ههڤسهرۆكێن ههدهپێ ل گهل دهمیرتاش جڤییان
ھەڤسەرۆکێن پارتییا دهمۆكراتیك یا گهلان ههدهپێ، ئیرۆ سهردانا ههڤسهرۆكێ بهرێ یێ پارتییا خوه سهلاحهددین دهمیرتاش كرن.
ئۆفیسا مهدیایی ئا پارتییا دهمۆكراتیك یا گهلان ههدهپێ، ئیرۆ رۆژا یهكشهمی 13/9/2020ان، د بهیانهكه نڤیسكی ده ئهشكهره كر، ھەڤسەرۆکێن ھهدهپێ پەرڤین بولدان و میتھەت سانجار چوون زیندانا ئەدیرنەیێ و ب سەلاھەددین دەمیرتاش رە ھەڤدیتن کر.
ھهدهپێ دا زانین، ھەڤسەرۆکان ب دەمیرتاش رە پێشھاتێن داوی یێن سیاسی و مژارێن گرینگێن سیاسەتا ترکیەیێ نیقاش کرنە.
ھەڤسەرۆکێن ھهدهپێ، پەرڤین بولدان و میتھەت سانجار ل پێش زیندانا ئەدیرنەیێ، داخویانیا رۆژنامەڤانی دان و ناڤەرۆکا ھەڤدیتنێ ئهشکەره كر.
ھەڤسەرۆکێ ھهدهپێ یێ بەرێ سەلاھەددین دەمیرتاش ب سهدهما پهكهكێ چار سالن د زیندانێ دهیه و بەریا چەند رۆژان ژ بۆ دروستکرنا ھەڤپەیمانییا دەمۆکراسی، بانگ ل ھەموو دژبەرەیا ترکیەیێ کربوو.
