ل ئافیۆنێ ئێریشی كوردان تێ كرن

ل ئافیۆنێ ئێریشی كوردان تێ كرن

هه‌ژماره‌كا كاركه‌رێن كورد یێن باژارێ وانێ یێ باكورێ كوردستانێ، ل باژارێ ئافیۆنێ یێ تركیێ راستی هێرشێ هاتن و كاركه‌ره‌كی جانێ خوه‌ ژ ده‌ست دا.

ل ناڤچەیا دینارا ئافیۆنێ، کارکەرێن ژ ئەردیشا ناڤچەیا وانێ کو کارێ چێکرنا ئاڤاھییان دکرن، راستی هێرشه‌كا چەکداری ھاتن.

ل گۆر نووچەیا ئاژانسا مەزۆپۆتامیایێ، روودان ل شه‌ڤا ده‌رباسبوویی چێبوویه‌.

ل دژی ھەردوو برایێن کورد کو کارێ چێکرنا ئاڤاھییان دکرن، ژ ئالیێ کەسەکی ڤە ب چەکەکێ گوللـە ھاتییە بەردان.

د ئەنجاما هێرشێ دا کارکەرێ ب ناڤێ ئۆزکان تۆکای جانێ خوە ژ دەست دایە و کارکەرێن ب ناڤێن فرات ت. و ئەمراھـ ئۆ. بریندار بوونە.

پارێزگاریا ئافیۆنێ ژی ب داخویانیەکا نڤیسکی راگھاند؛ کەسێ کو ئێریش کرییە رەڤیایە و ھێزێن ئەولەھیێ دەست ب لێگەرینا وی کرنە.

ژ ئالیێ دن ڤە ژی، ئیرۆ جەنازەیێ ئۆزکان تۆکای ژ بالافرگەھا وانێ ھات وەرگرتن و بۆ ناڤچەیا ئەردیشێ ھات ڤەگوھاستن.

لەشکەرێن کو گۆرستانا تاخا چەلەبیباخ دۆرپێچ کربوون، نەھشتن وەلاتیێن وێ دەڤەرێ بەشداری مەراسیما جەنازەیێ ببن.

د مەراسیمێ دا پارێزگارێ وانێ مەھمەت ئەمن بلمەز ژی ئامادە بوو و ھێزێن ئەولەھیێ ب به‌هانه‌یا تەدبیرێن ڤیرۆسا کۆرۆنایێ، ھشتن تەنێ مالبات و خزمێن ئۆزکای تۆکای، تەرمێ وی ب ئاخێ بسپێرن.

پوستێن ھەمان بەش