هه‌په‌گه‌ دبێژیت‌ مه‌ 7 عه‌سكه‌ر ل ڤێ ده‌رێ كوشتنه‌

هه‌په‌گه‌ دبێژیت‌ مه‌ 7 عه‌سكه‌ر ل ڤێ ده‌رێ كوشتنه‌

پارتییا كاركه‌رێن كوردستانێ ئەڤرۆ ئا‌شکرا‌ كر، گه‌ریلایێن وێ ل باكورێ كوردستانێ، 7 عه‌سكه‌رێن ترك كوشتنه‌، یه‌ك ژێ پایه‌بلنده‌.

ناڤه‌ندا مه‌دیا و چاپه‌مه‌نیێ یا هه‌په‌گێ ئیرۆ رۆژا سێشه‌مبی 15/9/2020ان د به‌یانه‌كا‌ نڤیسكی دا‌ ئاشکرا كر، گه‌ریلایێن هه‌په‌گێ و یه‌ژا ستارێ ل گه‌ڤه‌را ناڤچه‌یا جۆله‌مێرگێ چالاكی ئه‌نجام دانه‌ و زرارێن پر مه‌زن ب عه‌سكه‌رێن ترك خستنه‌.

ده‌ست نیشان كر، د چالاكیێ دا‌، 7 عه‌سكه‌رێن ترك هاتنه‌ كوشتن 1 ژێ پایه‌بلنده‌.

هه‌په‌گێ ئاشکرا كر، ئه‌ڤ چالاكی ل سه‌رێ سبێ یا 13ی ئیلۆنێ هات ل باژارۆکێ باژێرگانێ ناڤچەیا گەڤەرێ یا جۆلەمێرگێ، ل دەردۆرا گوندێن کەلێ، نەبار، خوراکانا ژێر و خوراکانا ژۆر هاتنه‌ ئه‌نجام دان.

ئارته‌شا تركیێ ئه‌ڤ ده‌ما پێتری مه‌هه‌كێ یه‌ ئۆپه‌راسیۆنا ب ناڤێ یلدرم ل هه‌ژماره‌كا‌ باژارێن باكورێ كوردستانێ دایه‌ مه‌شاندن، د دوماهی ئامار زرارێن په‌كه‌كێ دا ئیلان كر كو هه‌ری كێم 41 گه‌ریلایان جانێ خوه‌ ژ ده‌ست دانه‌.