ل ڤێ دەڤەرێ 3 گەریلا هاتن کوشتن

ل ڤێ دەڤەرێ 3 گەریلا هاتن کوشتن

وەزارەتا ناڤخوە یا ترکیێ ئەڤرۆ رۆژا سێشەمبی 15/9/2020ان راگەھاند کو د ئۆپەراسیۆنا یلدرم-٢ دا ل دەردۆرا جۆلەمێرگێ ٣ گەریلایێن پارتیا کارکەرێن کوردستانی ھاتنە کوشتن.

د داخویانیا وەزارەتا ناڤخوە یا ترکیێ دا ھات ئاشکراکرن کو د ئۆپەراسیۆنا یلدرم-٢ دا کو یەکینەیێن فەرمانداریا جەندرمەیان یا جۆلەمێرگێ و گوندپارێز تێدا بەشدار بوون ل دەردۆرا جۆلەمێرگێ ٣ گەریلایێن پەکەکی ھاتنە کوشتن.

ژ لایێ خوە ڤە ناڤه‌ندا مه‌دیا و چاپه‌مه‌نیێ یا هه‌په‌گێ ژی ئەڤرۆ د به‌یانه‌كا‌ نڤیسكی دا‌ ئاشکرا كر، گه‌ریلایێن هه‌په‌گێ و یه‌ژا ستارێ ل گه‌ڤه‌را ناڤچه‌یا جۆله‌مێرگێ چالاكی ئه‌نجام دانه‌ و زرارێن گەلەک مه‌زن ب عه‌سكه‌رێن ترك گەهاندینە.

ده‌ست نیشان كر، د چالاكیێ دا‌، 7 عه‌سكه‌رێن ترك هاتنه‌ كوشتن 1 ژێ پایه‌بلنده‌.