ئەندامێ دەستەیا سەرۆکاتیا ئەنجومەنا نشتیمانی یا کورد ل سووریێ (ENKS) سلێمان ئۆسۆ دەربارێ دیالۆگا کوردی-کوردی گۆت کو ئەمریکایێ سەبارەت لێڤەگەرا سیاسی پێشنیار کر کو بۆ ENKS و 40% پارتیێن یەکیتیا نشتمانییا کورد (PYNKێ) بیت و وان ژی قەبوول کر.
ئەڤرۆ سەرۆکاتیا گشتی یا ئەنەکەسێ ل قامشلۆ کۆمبوو و دانووستاندنێن دگەل پارتیێن یەکیتیا نشتیمانییا کورد و پەیوەندیێن خوە ب ئیئتیلافێ رە گۆتووبێژ کرن.
ئەندامێ دەستەیا سەرۆکاتیا ئەنەکەسێ سلێمان ئۆسۆ ژ بۆ رووداوێ داخویانی دا و دیار کر کو د کۆمبوونا ئەڤرۆ دا، بەحسا پێشھاتێن دوماهیێ یێن دانووستاندنێن کوردی-کوردی ھاتە کرن و پێشنیارا دوماهیێ یا نوونەرا ئەمریکایێ ژ بۆ دانووستاندنان ھاتیە گۆتووبێژکرن.
سلێمان ئۆسۆ دیار کر کو ئەو ب پێشنیارا ئەمریکایێ رێژەیا نوونەرتیا ھەر ئالیەکی د لێڤەگەرا سیاسی دا رازی بوونە، کو ھەر ئالیەک 40%بیت، ژ 20%یێن دی ژی، 10% ژ بۆ ھەر لایەنەکێ یە، ئەو سەربەستن کێ دەرباسی ناڤا لێڤەگەرێ بکەن.
ل سەر پەیوەندیێن د ناڤبەرا ئەنەکەسێ و ئیتیلافێ دا ژی ئۆسۆ گۆت، بەلگە د ناڤبەرا وان و ئیتیلافێ دا ھەنە و رێ نادەن چ کەسەک و لایەنەک مافێ گەلێ کورد بخوەت.
سلێمان ئۆسۆ ھەروھا دەربارێ پەیوەندیێن ئەنەکەسێ و ئیتیلافێ دا راگەھاند، ژ بۆ گوهرین و دوورخستنا ھەر ئەندامەکێ ئەنەکەسێ، پێویست بوو ب ھەماھەنگی ل گەل وان بهێتە کرن و تەکەز کر کو ئەو ناخوازن ژ ئیتیلاف و دەستەیا دانووستاندنانا ئۆپۆزسیۆنێ دەرکەڤن لێ سەرۆکێ ئیتیلافێ وان پاشگوھ دکەت.
