وەزارەتا کارێن ناڤخوە یا ترکیێ راگھاند کو ئەرجان یاجانێ د ناڤ پەکەکێ دا ناڤێ فەرمان ل خوە کربوو و سالا پار ل ھەرێما گۆشینەیا قەندیلێ ناڤبووری فەرماندارێ تیمێ بوو، ل وانێ ھاتە بەرتەرەفکرن.
وەزارەتا ناڤخوە یا ترکیێ هەر وەها راگھاند کو فەرمانداریێن جەندرمەیێن باژێرێن وان و شرنەخێ و هێزێن دژە تیرۆرێ یێن مدووریەتا ئەولەھیا باژێرێ وانێ ئۆپەراسیۆنەک ھەڤدەم ئەنجامدا.
ھاتە گۆتن کو یاجان د سالا ٢٠١٤ان دا بەشداری پەروەردەھیا ھێزێن تایبەت یێن پەکەکێ بوویە و پاشێ ژی ل سووریە و ئیراقێ د ناڤ خەباتێن رێخستنێ دا جھ گرتیە.
هەر وەها هاتە راگەھاند کو یاجان د سالا ٢٠١٩ان دا ل ھەرێما گۆشینە یا قەندیلێ ل باشوورێ کوردستانێ وەک فەرماندارێ تیمێ کار کریە و ل ڤێ دوماهیێ ژی ل وانێ دا کو ژ بۆ رێخستنێ ئەندامان پەیدا بکەت ھەول دایە.
