دادگەھا دیاربەکرێ داخوازێ ژ ئینتەرپۆلێ دکەت ئۆسمان بایدەمر دەستەسەر بکەت

دادگەھا دیاربەکرێ داخوازێ ژ ئینتەرپۆلێ دکەت ئۆسمان بایدەمر دەستەسەر بکەت

سەردۆزگەرێ کۆمارییێ دیاربەکرێ دخوازیت ئینتەرپۆل ئۆسمان بایدەمیری دەستەسەر بکەت. دادگەھێ ئەڤ بریارە ژ بۆ وەزارەتا دادێ یا ترکیەیێ هنارتیە.

دادگەھا دیاربەکرێ، پەرلەمانتەرێ بەرێ یێ HDPێ بایدەمیر، ب تاوانا “ئەندامێ رێخستنا تەرۆری” تۆمەتبار دکەت. ژ بەر کو بایدەمیر نها ژ دەرڤەیی ترکیێ یە، دادگەھ دخوازیت ئینتەرپۆل وی دەستەسەر بکەت.

بایدەمر ئەندامێ کۆنگرەیا جڤاکا دیمۆکراتیک (KCD) بوو. دادگەھ ئاخافتنێن بایدەمیری یێن د ڤێ کۆنگرەیێ دا کری وەکو تاوان قەبوول دکەت.

ھەروەھا بایدەمیر بەشداری مەراسیما بن ئاخکرنا جنازەیێن ئەندامێن پەکەکێ بوویە. ل گۆر دادگەھێ بایدەمیر ب بانگەوازیا میدیایا پەکەکێ تێدا بەشدار بوویە. لەورا، دادگەھا جەزایێ سولحێ یا ٣-یەمینا دیاربەکرێ، دەر بارێ بایدەمیری بریارا گرتنێ دایە. ئەڤ بریار ل گۆر یاسایا “ئەندامەتیا رێخستنا تیرۆرێ یا چەکداری” ھاتیە دان.  ژ بۆ بایدەمیر جەزایێ ٧،٥ ھەیا ١٥ سالان زیندانکرن دهێتە خواستن.

ئۆسمان بایدەمیر د نیسانا ٢٠١٨ێ دا ژ پەرلەمانتەریێ ھاتیە دوورخستن و پشترا ژی چوویە دەرڤەی ترکیێ و تا نھا ڤەنەگەریایە وی وەلاتی.

پوستێن ھەمان بەش