وەزارەتا ناڤخوە یا ترکیێ راگەھاند ل مێردین و شرنەخێ ٣ گەریلایێن پەکەکێ خوە تەسلیمی ھێزێن ئەولەھیێ کریە.
د داخویانیا وەزارەتا ناڤخوە یا ترکیێ دا ھاتیە دەستنیشانکرن ٣ گەریلایێن پەکەکێ کو د سالێن ٢٠١٤ و ٢٠١٥ێ دا تەڤلی رێخستنێ بوونە ل شرنەخ و مێردینێ تەسلیمی ھێزێن ئەولەھیێ بوون.
ھاتە دەستنیشانکرن کو ژ سەرێ سالێ حەتا نھا ھەژمارا گەریلایێن کو خوە تەسلیمی ترکیێ کری گهشتیە ١٥٧ گەریلایان.
ناسنامەیا دو گەریلایێن ل مێردینێ تەسلیمی ھێزێن ئەولەهیێ بووی ھاتە تەسبیتکرن.
ل گۆر ئاگاھیێن ھاتیە ئاشکرا کرن، گەریلایا ب ناڤێ ب.ب. یا ب کۆدناڤێ “ژیندا” دهێتە ناسکرن د سالا ٢٠١٤ێ دا تەڤلی پەکەکێ بوویە و گەریلایا ب ناڤێ ک.م. کو ب کۆد ناڤێ “دیلان” دهێتە ناسکرن وەلاتیا ئیرانێ یا د سالا ٢٠١٦ێ دا تەڤلی پەکەکێ بووی تەسلیم بوونە.
وەزارەتا ناڤخوە یا ترکیێ دیار کربوو کو د ئەنجاما خەباتێن رازیکرنێ دا ل مێردین و شرنەخێ ٣ ئەندامێن پەکەکێ تەسلیم بوونە، لێ ھەیا نھا چ زانیارییەک ل سەر ناسنامەیا گەریلایێ سێیەمین کو تەسلیم بوویە نەھاتیە ئاشکراکرن.
