هەرچەند کو ئێرشێن بەژایی یێن ترکیێ ل سەر پێگەهێن پەکەکێ ل باشوورێ کوردستانێ هاتینە سەکناندن لێ بەلێ ئێریشێن هەوایی یێن ده‌وله‌تا تركیێ ل سه‌ر باشوورێ كوردستانێ كو ب سه‌ده‌ما په‌كه‌كێ نه، به‌رده‌وامن و ئیرۆ چەندین جاران ئەڤ ئێرش پێکئانین.
چاڤكانیێن پێگه‌ها داركا مازی ل باشوورێ كوردستانێ ئا‌شكهرا كر، ئەڤرۆ رۆژا یەکشەمی 20/9/2020ێ، بالەفرێن ده‌وله‌تا تركیێ، لڤینێن گه‌ریلایێن په‌كه‌كێ ل چیایێ بێسمتێ ل ئاقارێ گوندێ رەزیکێ-ناحیا سەرسنکێ کو دکەڤیتە دەڤەرا بەرێ گارێ هەدەف کر.
ده‌ست نیشان كر، ئه‌ڤ ئێریش ئێڤارا ئەڤرۆ ل دەمژمێر 5:30 چێبوویه، ئاگاهی ل ده‌ربارا زرارێن په‌كه‌كێ نینه لێ به‌لێ، زرار ب ئاقارێ گوندی كه‌تییه.
هەروەها هاتە ئاشکرا کرن کو هەر ئیرۆ ل دەمژمێر 7:20 بالەفرێن ترکیێ ترۆمبێلەکا گەریلایێن پەکەکێ ل سەر جادەیا گشتی یا دناڤبەرا گوندێن هیزانکێ و بیلمەندێ ل ناحیا چەمانکێ هەدەف کریە لێ بەلێ هەیا نها نایێ زانین زرارێن پەکەکێ چەندن.
ئێریشێن ده‌وله‌تا تركیێ ل سه‌ر باشوورێ كوردستانێ ژ 15 مه‌ها خزیرانا ئەڤ سالە به‌رده‌وامن، پارتییا كاركه‌رێن كوردستانێ ژی ژ بۆ كو گه‌ریلایێن خوه ژ ئێریشان بپارێزیت، حه‌ره‌كه‌تا وان خستییه ناڤا گوندان دا و ب وێ سه‌ده‌مێ گوندێن سینۆرێ پارێزگه‌ها دهۆكێ ب به‌رده‌وامی تێن هه‌ده‌ف كرن.
