دۆزگه‌رییا كۆماری یا ئه‌نقه‌رێ دۆزه‌كا نوو ل سه‌ر هه‌ڤسه‌رۆكێ به‌رێ یێ پارتییا ده‌مۆكراتیك یا گه‌لان هه‌ده‌پێ ئاماده كرییه و تێدا داخواز كرییه، جه‌زایێ وی بهێته درێژ كرن.
سەردۆزگەریا کۆمارییا ئەنقەرێ ل دەربارێ سه‌لاحه‌ددین ده‌میرتاش، ھەڤسەرۆکێ به‌رێ یێ هه‌ده‌پێ، دۆزەکا نوو ئامادە کرییە و تێدا جەزایا 3 سال زیندان ژێرە تێ خواستن.
د دەستپێکا ئیسال دا د روونشتنەکا دادگەھـ کرنا وی دا، دەمیرتاش د پارێزنامەیا خۆ دا گۆتبوو: «ھەموو ئەو پرۆسەیا دەر یاسایی، ب رێیا سەردۆزگەرێ کۆماریێ ئەنقەرێ یوکەسل کۆجامان دهێته برێڤه برن».
ماھسون کارامان پارێزەرێ دەمیرتاش ژی دبێژیت: «ژ بەر ڤێ یه‌كێ یه، سەردۆزگەریێ ئەڤ دۆزا نوو ل دژی دەمیرتاش ئامادە کرییه».
ھەڤسەرۆکێ به‌رێ یێ هه‌ده‌پێ سەلاحەددین دەمرتاش سالا 2016ان ڤە ب چەندین جینایه‌تێن جودا ل ئەدیرنەیێ زیندان کرییە.
هه‌ر چه‌ند كو دادگەھا مافێن مرۆڤان یا ئەورۆپایێ و دادگەھا دەستوورا بنگەھین یا ترکیێ بریارا ئازادکرنا دەمیرتاش دانە، لێ هێژان دەمیرتاش نەھاتییە ئازاد کرن.
