د شه‌ش مه‌هێن ئێكێ یێن سالا كوردی دا، هه‌ری كێم رژێما ئیسلامی یا ئیرانێ، 34 گه‌نجێن كورد سێداره داینه، چار ژێ زیندانیێن سیاسی بووینه.
رێخستنا هه‌نگاو یا مافێن مرۆڤان ئه‌شكه‌ره كر، د 6 مه‌هێن ده‌ستپێكێ یێن سالا كوردی دا 2720، ئانكو ژ 21 ئادارێ هه‌یا 21 ئیلۆنێ، رژێما ئیسلامی یا ئیرانێ، جه‌زایێ سێداره‌دانێ ل سه‌ر 34 وه‌لاتیێن كورد ل زیندانێن رۆژهلاتا كوردستانێ و ئیرانێ ب جی كرییه.
ده‌ست نیشان كر، د ناڤا وان زیندانییان دا، هه‌ر یێك ژ مسته‌فا سه‌لیمی، هیدایەت عەبدوللا پوور، دیاکۆ ڕەسوولزادە و سابر شێخ عەبدوللا، زیندانیێن سیاسی بووینه.
هه‌روه‌ها دوو كه‌سێن دی ب ناڤێ ئه‌میر محه‌مه‌دپوور كو خه‌لكێ بۆكانێ یه و شایان سه‌عیدپوور خه‌لكێ سه‌قزێ هه‌ر چه‌ند كو ل د ده‌ما ئه‌نجامدانا تاوانێ دا ته‌مه‌نێ وان ل ژێر 18 سالیێ دا بوو، لێ به‌لێ ئیرانێ ئه‌و سێداره دان.
ژ سه‌رجه‌ما كه‌سێن كو د 6 مه‌هێن رابووری دا هاتنه سێداره دان، 4 ب توهمه‌تێن سیاسی، 2 بازرگانی كرن ب مادده‌یێن هشبه‌ر و 28 كه‌س ب جینایه‌تێن كوشتنا ب ئه‌نقه‌ست هاتنه سێداره دان.
