ته‌قینه‌ك ل راجۆ یا ناڤچه‌یا عه‌فرینێ چێبوو

ته‌قینه‌ك ل راجۆ یا ناڤچه‌یا عه‌فرینێ چێبوو

د ته‌قینه‌كێ ده‌ كو ئیرۆ ل راجۆ یا ناڤچه‌یا عه‌فرینێ ل رۆژاڤا كوردستانێ چێبوویه‌، دوو هه‌مولاتی بریندار كه‌تن كو ژن و مێرن.

ل گۆر ئاگاهیێن ده‌ستێ مه‌، ئیرۆ رۆژا شه‌می 26/9/2020ان ته‌قینه‌ك ل گوندێ قێسمێ یێ سەر ب ناڤچەیا راجۆ یا عەفرینێ ڤه‌ چێبوو، ته‌قین ب رێیا بۆمبه‌یه‌كه‌ چاندی هاته‌ ئه‌نجام دایین و دوو هه‌مولاتی تێده‌ بریندار كه‌تنه‌ كو ژن و مێرن.

هه‌ردوو كه‌سێن كو د ته‌قینێ ده‌ بریندار بووین ب ناڤێ ئیسماعیل قۆشۆ و هه‌ڤژینا وی ئه‌مینه‌ د تراكتۆرێ ده‌ بوون و ئه‌و به‌ر ب زه‌ڤییا خوه‌ دچوون وه‌ختا كو ته‌قین چێبوویی.

ئاگاهی خوه‌یا دكن كو ره‌وشا ژنێ خه‌رابه‌، هه‌روها ژ به‌ر گرانییا برینێ دبه‌ لنگێ ئیسماعیل وه‌ره‌ ژێكرن.

هه‌موه‌ختا ئه‌ڤێ ته‌قینێ هه‌ر ل هه‌رێما عه‌فرینێ د ناڤبه‌را دوو رۆژێن رابووری ده‌، 8 هه‌مولاتیێن سڤیل ژ پال چه‌ته‌یێن گرێدای تركیێ ڤه‌ هاتنه‌ ره‌ڤاندن.