ب سه‌ده‌ما په‌كه‌كێ گوندێ بازێ تێ بۆردۆمان كرن

گوندێ بازێ په‌كه‌كه‌ (2)

ب سه‌ده‌ما په‌كه‌كێ، بۆردۆمان كرنا گوندێن باشوورێ كوردستانێ به‌رده‌وامه‌ و ئیرۆ باله‌فرێن جه‌نگ یێن ده‌وله‌تا تركیێ، هه‌ژماره‌كه‌ مووشه‌كان ل گوندێن كانی ماسێ دانه‌.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ئیرۆ رۆژا دووشه‌می 28/9/2020ان، باله‌فرێن جه‌نگ یێن ده‌وله‌تا تركیێ، د ته‌عقیبا حه‌ره‌كه‌تا گه‌ریلایێن په‌كه‌كێ ده‌، ئاقارێ گوندێ بازێ یێ گرێدای ناڤچه‌یا كانی ماسێ ل ده‌ڤه‌را به‌رواری بالا بۆردۆمان كر.

ده‌ست نیشان كر، باله‌فران ل ساعه‌ت 9:35 خوله‌ك یێ سپێدێ، 3 مووشه‌ك ل نێزی ده‌ڤه‌را گه‌لی یا ل ئاقارێ گوندێ بازێ دانه‌ و زرار ب ئاقارێ گوند گه‌هاندییه‌.

هه‌ر چه‌ند كو زرارێن په‌كه‌كێ نه‌هاتنه‌ زانین، لێ به‌لێ ب سه‌ده‌ما كه‌تنا مووشه‌كان ئاگر ب ئاقارێ گوند كه‌تییه‌ و ترس ل جه‌م شێنییان چێبوویه‌.

پارتییا كاركه‌رێن كوردستانێ هه‌ركو دچه‌ لڤ و ته‌ڤگه‌رێن گه‌ریلایێن خوه‌ نێزی گوند و باژارۆكان دكه‌ ژ بۆ كو ئه‌ڤ گوند وه‌رن ڤالا كرن و ببن مه‌یدانا شه‌ر.

پوستێن ھەمان بەش