یوكسه‌كداغ دهێتە دادگه‌ها كرن

یوكسه‌ك دهێتە دادگه‌ها كرن

روونشتنه‌كا‌ دی ژ بۆ دادگه‌هكرنا فیگه‌ن یۆكسه‌كداغ یا هه‌ڤسه‌رۆكا به‌رێ یا پارتییا دیمۆكراتیك یا گه‌لان ئیرۆ برێڤه‌چوو، پارێزه‌ران داخواز كر، یۆكسه‌ك بهێتە‌ ئازاد كرن.

ئەڤرۆ رۆژا سێشه‌می 29/9/2020ێ، ل باژێرێ ئه‌نقه‌رێ و ل دادگه‌ها 16ەمین یا جه‌زایێن گران، روونشتنه‌كا‌ دی ژ بۆ دادگه‌هـ كرنا فیگه‌ن یوسكه‌كداغ یا هه‌ڤسه‌رۆكا به‌رێ یا هه‌ده‌پێ برێڤه‌چوو.

ب سه‌ده‌ما رێكارێن ڤیرۆسا کۆرۆنا، یۆكسه‌ك نەشییا به‌شداری روونشتنا دادگه‌ه كرنا خوه‌ ببیت‌ و ب رێیا ڤیدیۆ كۆنفرانسێ ئه‌و بەشداری دادگه‌هێ بوو.

پارێزه‌رێن هه‌ڤسه‌رۆكا به‌رێ یا هه‌ده‌پێ ژ دادگه‌هێ خوا‌ست فیگه‌ن یوكسه‌كداغ بهێتە ئازاد كرن.

هه‌یئه‌تا دادگه‌هێ بریار دا كو ل روونشتنا بهێت دا ئیفادەیێن یوكسه‌كێ یێن به‌ره‌ڤانیکرنێ ژ خوه‌ بهێنە وه‌رگرتن.

دهێتە زانین فیگه‌ن یۆكسه‌ك ل گه‌ل سه‌لاحه‌ددین ده‌میرتاش ب تاوانا ئه‌ندامه‌تی و پروپاگندایێ بۆ پارتییا كاركه‌رێن كوردستانێ هاتنه‌ ده‌سته‌سه‌ر كرن و حەتا نها مه‌له‌فا وان ب داوی نه‌بوویه‌.