عه‌سكه‌ره‌ك ترك ل باشوورێ كوردستانێ هات كوشتن

عه‌سكه‌ره‌كێ ترك ل باشوورێ كوردستانێ هات كوشتن و ئارته‌شا تركیێ دبێژه‌: ئه‌و ب مایینه‌كا په‌كه‌كێ هاتییه‌ هه‌ده‌ف كرن.

ل گۆر داخویانییه‌ك نڤیسكی یا وه‌زاره‌تا پاراستنا نه‌ته‌وه‌ی یا تركیێ، ئیرۆ رۆژا سێشه‌می جه‌سه‌دێ عه‌سكه‌رێ ترك كو د شه‌رێ ل گه‌ل په‌كه‌كێ ده‌ ل باشوورێ كوردستانێ هاتییه‌ كوشتن، ژ بۆ باكورێ كوردستانێ هات ڤه‌گوهاستن.

ئارته‌شا تركیێ جیێ كوشتنا عه‌سكه‌رێ خوه‌ ئیلان نه‌كر و ته‌نێ گۆتییه‌ كو ئه‌و ل باشوور هاتییه‌ هه‌ده‌ف كرن و ناڤێ وی سه‌ردار ته‌مه‌للی و خه‌لكێ گوندێن دۆربه‌را هه‌كاریێ یه‌.

ئه‌ڤ عه‌سكه‌رێ ترك كورده‌كێ باكورێ كوردستانێ یه‌، ل ڤر ژی ئه‌ڤ یێك خوه‌یا دبه‌ كو ده‌وله‌تا ترك سیاسه‌تا خوه‌ یا جاران د دۆمینه‌ و جوانێن كورد هه‌ر ب ده‌ستێ كوردان دده‌ كوشتن.