چه‌كدارێن سولتانی عه‌فرین تالان كر

چه‌كدارێن سولتانی عه‌فرین تالان كر

كۆمێن چه‌كدارێن گرێدای تركیێ ل سه‌ر دزینا مالێ هه‌مولاتیێن كورد ل عه‌فرینا رۆژئاڤا كوردستانێ به‌رده‌وامن و ئیرۆ كارگه‌هه‌كه‌ دن تالان كرن.

چه‌كدارێ گرۆپا سولتان موراد یا گرێدای تركیێ، ئیرۆ رۆژا پێنجشه‌می 1/10/2020ان ب سه‌ر كارگه‌هه‌كه‌ چێكرنا جلكان ده‌ ل هه‌رێما عه‌فرینێ گرتن و كارگه‌هـ ب ته‌ڤاهی تالان كر.

كۆمێن چه‌كدارێن ئاموورێن دروینێ و ته‌ڤ كنجێن كو د وێ كارگه‌هێ ده‌ بوون دزین و ژ بۆ جیه‌كێ نه‌دیار ڤه‌گوهاستن.

نه‌رینگه‌ها سووری ئه‌ڤ بوویه‌ر دۆكیۆمه‌نت كر و ده‌ست نیشان كر كو كارگه‌ها هاتییه‌ شه‌لاندن ب ناڤێ مواتنه‌ و ئه‌ڤ دزی ب رۆژ و ل پێش چاڤێن شێنییان چێبوویه‌.

تێ زانین خوه‌دیێن كارگه‌ها مواتن به‌را چه‌ند رۆژان كوژمێ 50 هه‌زار دۆلارێن ئه‌مه‌ریكی وه‌كه‌ باج دابوون چه‌كدارێن كۆما سولتان موراد.

ژ كه‌تنا عه‌فرینێ بۆ ده‌ستێ تركیێ، كۆمێن چه‌كداران كه‌تنه‌ ناڤا باژار ده‌ و ب سه‌دانا جینایه‌تێن كوشتن و تالان كرنێ ئه‌نجام دانه‌ و ژیان ل شێنیێن عه‌فرینێ كرنه‌ دۆژه‌هـ.