ره‌ژیما ئیسلامییا ئیرانێ د ده‌ما مه‌ها رابووری دا، 27 جوانێن كورد ب سه‌ده‌ما چالاكیێن سیاسی و ئالیكارییا پارتیێن كوردستانی یێن رۆژهلاتا ولات، ده‌سته‌سه‌ر كرنه.
رێخستنا هه‌نگاو یا مافێن مرۆڤان ئه‌شكه‌ره كر، د مه‌ها ئیلۆنا ئیسالێ دا، ره‌ژیما ئیسلامی یا ئیرانێ 27 جوانێن كورد ب جینایه‌تا چالاكیێن سیاسی و هه‌موه‌خت ئالیكارییا پارتیێن كوردستانی یێن رۆژهلاتا كوردستانێ، ده‌سته‌سه‌ر كرنه، 6 ژێ ژنن.
ژ سه‌رجه‌ما كه‌سێن كو هاتنه ده‌سته‌سه‌ر كرن، 21 ب جینایه‌تا چالاكیێن سیاسی ل گه‌ل پارتیێن كوردستانی یێن دژبه‌رێن ره‌ژیمێ و 2 كه‌س ب جینایه‌تا چالاكیێن مه‌زهه‌بی هاتنه ده‌سته‌سه‌ر كرن، هه‌موه‌خت 2 كۆله‌به‌ر و كاسبكارێن كورد بێ كو سووچا وان دیار ببه، هاتنه ده‌سته‌سه‌ر كرن.
ل گۆر رێخستنا هه‌نگاوێ 12 جوانێن كو هاتنه ده‌سته‌سه‌ر كرن، ژ پارێزگه‌ها ئۆرمیێ بوون، هه‌روه‌ها 8 ژ پارێزگه‌ها سنه، 6 ژ كرمانشان و هه‌روه‌ها جوانه‌ك ژی ل لۆرستانێ هاتییه ده‌سته‌سه‌ر كرن.
