پارتییا كاركه‌رێن كوردستانێ ئیرۆ دوو گه‌ریلایێن خوه ل باكورێ كوردستانێ ژ ده‌ست دان، وه‌ختا كو ل دۆربه‌را ئاگریێ كه‌تن به‌ر ئێریشه‌كا جه‌ندرمه‌یان.
ل گۆری ئاگاهیێن ده‌ستێ مه، ئیرۆ رۆژا یه‌كشه‌می 4/10/2020ان، ئارته‌شا تركیێ و جه‌ندرمه‌یان ئۆپه‌راسیۆنا یلدرم 3 ل دژی په‌كه‌كێ ل دۆربه‌را باژارۆكێ بایه‌زیدێ یێ گرێدای پارێزگه‌هییا ئاگریێ ل باكورێ كوردستانێ ده‌ست پێ كر.
د ئه‌نجامێ ده، 3 گه‌ریلایێن په‌كه‌كێ هاتنه هه‌ده‌ف كرن و وان جانێ خوه ژ ده‌ست دا.
ل ڤێ ده‌ربارێ ده وه‌زاره‌تا كارێن ناڤخوه یا تركیێ ده‌ست نیشان كر كو ئه‌ڤ گه‌ریلا ب ئێریشه‌كا هه‌وایی هاتنه هه‌ده‌ف كرن.
ده‌وله‌تا تركیێ ئه‌ڤ دبه نێزی مه‌هه‌كێ ئۆپه‌راسیۆنا ب ناڤێ یلدرم ل باكورێ كوردستانێ ل دژی په‌كه‌كێ دایه ده‌ست پێ كرن، هه‌یا نها 11 قووناغێن ڤێ ئۆپه‌راسیۆنێ هاتنه كرن و هه‌ری كێم 50 گه‌ریلایێن په‌كه‌كێ تێده جانێ خوه ژ ده‌ست داییه.
