هێزێن جه‌ندرمه‌یان ئیرۆ ب ده‌هان كۆچبه‌رێن بێ ده‌ستوور ل باژارێ وانێ یێ باكورێ كوردستانێ ده‌سته‌سه‌ر كرن، ئه‌ڤ كۆچبه‌ر د مینی پاسه‌كێ ده بوون و هنه‌ك ژێ ب سه‌ده‌ما نه‌مانا ئۆكسجینێ فه‌تسی بوون.
ل گۆر ئاگاهیێ ده‌ستێ مه، ئیرۆ رۆژا یه‌كشه‌می جه‌ندرمه‌یان مینی پاسه‌ك ل دۆربه‌را باژارێ وان یێ باكورێ كوردستانێ ده‌سته‌سه‌ر كر كو 72 كۆچبه‌رێن بێ ده‌ستوور تێده بوون.
ئه‌ڤ كۆچبه‌ر 2 ژێ ئیراقی، 33 ئه‌فغانی، 37 پاكستانی بوون، هه‌موه‌خت ژ سه‌رجه‌ما وان 2 كۆچبه‌ران جانێ خوه ژ ده‌ست دابوو ژبه‌ر كو ئۆكسجین د مینی پاسێ ده نه‌مابوو و ئه‌و فه‌تسی بوون.
هه‌موه‌ختا بن چاڤ كرنا وان كۆچبه‌رێن بێ ده‌ستوور، 3 كه‌س ب جینایه‌تا قاچاغچێتیێ و بازرگانی كرن ب مرۆڤان هاتنه ده‌سته‌سه‌ر كرن.
