والیێ قەرسێ تورکەر ئۆکسوز پشتی کو ژ لایێ وەزارەتا ناڤخوە یا ترکیێ ل شارەداریا وی باژێرێ باکورێ کوردستانێ وەکو قەیووم ھاتیە دانان، ئەنجوومەنا شارەداریێ کو ژ ئەندامێن 5 پارتیان پێک دهات هەلوەشاند و ئەکوانتێ مەدیایا جڤاکی یا کوردی یا شارەداریێ ژێ بر.
ھەڤشارەدارێ قەرسێ ئایھان بیلگەن پشتی کو د چارچۆڤەیا “لێپرسینا کۆبانی” دا ھاتیە گرتن، والیێ قەرسێ تورکەر ئۆکسوز ل شوونا وی وەکو قەیووم ھاتە دانان.
تورکەر ئۆکسوز وەکو کارێ خوەیێ دەستپێکێ ئەنجوومەنا شارەداریا قەرسێ یا ژ 25 کەسان پێک دھات ھەلوەشاند. ئەنجوومەنا شارەداریێ ژ 10 ئەندامێن HDP، 5 CHP، 4 MHP، 3 AKP ێ، 2 DSP و یێن دی ژی، ژ ئەندامێن سەربخوە پێک دھات.
ئۆکسوز دەستپێکی خەباتێن هەڤشارەدارێن هەدەپی ژ تویتەرا شارەداریێ رەش کرن و پشترا ژی ئەکوانتێ مەدیایا جڤاکی یا کوردی ب تەمامی ژێ بر.
