ئێتیلاعاتێ مه‌لایه‌كێ كورد ل پیرانشارێ ده‌سته‌سه‌ر كر

ئێتیلاعاتێ مامۆستایه‌كێ ئایینی ل پیرانشارێ ده‌سته‌سه‌ر كر

سازییا ئیستخباراتا ئیرانێ، مامۆستایه‌كێ ئایینی یێ كورد ل باژارێ پیرانشارێ یێ رۆژهلاتا كوردستانێ ده‌سته‌سه‌ر كر و ژ بۆ جهه‌كێ نه‌دیار برییه‌.

رێخستنا هه‌نگاو یا مافێن مرۆڤان ل رۆژهلاتا كوردستانێ ئه‌شكه‌ره‌ كر، ژ دوهـ رۆژا یه‌كشه‌می ناڤه‌ندێن ئه‌وله‌هیێ یێن ره‌ژیما ئیسلامی یا ئیرانێ، مامۆستایێ ئایینی یێ ب ناڤێ ڕەسوول حەمزەپوور ل باژارێ پیرانشارێ ده‌سته‌سه‌ر كرییه‌ و چاره‌نڤیسا وی نه‌دیاره‌.

ڕەسوول حەمزەپوور خه‌لكێ گوندێ خراپه‌یه‌ و پێشنڤێژه‌، شێنیێن گوند ئه‌شكه‌ره‌ كرنه‌ كو هێزێن ئێتێلاعاتا ئیرانێ ئه‌و ل سه‌ر رێیا گوند ده‌سته‌سه‌ر كرنه‌ و پشتره‌ ب سه‌ر مالا وی ده‌ گرتنه‌ و مالا وی پشكنین كرییه‌.

ل گۆر رێخستنا هه‌نگاوێ، سووچا ده‌سته‌سه‌ر كرنا ڤی مامۆستایێ ئایینێ دیار نینه‌ و هه‌یا ئیرۆ تو ئاگاهی ژ چاره‌نڤیسا وی نه‌هاتنه‌ زانین.