د ئۆپه‌راسیۆنا رۆژێن رابووری ده كو ئارته‌شا تركیێ ل بایه‌زیدێ یا ناڤچه‌یا ئاگریێ ل دژی په‌كه‌كێ پێكئانی بوو، عه‌سكه‌ره‌ك ترك هات كوشتن.
ئیرۆ رۆژا دووشه‌می 5/10/2020ان، جه‌سه‌دێ عه‌سكه‌رێ ترك یێ ب ناڤێ حسێن یرتیجی كو د شه‌رێ بایه‌زیدێ ده هاتبوو كوشتن، ژبۆ باژارێ وی خه‌تایێ هات ڤه‌گوهاستن.
ئارته‌شا تركیێ ئه‌شكه‌ره كر، ئه‌ڤ عه‌سكه‌رێ وان د ئۆپه‌راسیۆنا یلدرم دا بریندار كه‌تبوو و پشتره ل نه‌خوه‌شخانێ جانێ خوه ژ ده‌ست دا.
هه‌په‌گێ بالێ له‌شكری یێ په‌كه‌كێ دوهـ رۆژا یه‌كشه‌می د به‌یانه‌كه نڤیسكی ده ئه‌شكه‌ره كر كو وان عه‌سكه‌ره‌ك ل ناڤچه‌یا حه‌فته‌نینێ ل 2 ڤێ مه‌هێ ژی كوشتبوو.
لێ به‌لێ وه‌زاره‌تا ناڤخوه یا تركیێ پشتره راگهاندبوو كو د ئۆپه‌راسیۆنا بایه‌زیدێ ده، 2 گه‌ریلایێن په‌كه‌كێ هاتبوو هه‌ده‌ف كرن.
