رێڤەبەریا خوەسەر، وەزیرێ دەرڤەیێ رووسیایێ سەرگەی لاڤرۆڤ ب وێ یەکێ تۆھمەتبار کر کو ترکیا و ئیرانێ ھان ددەت ژ بۆ دژایەتیکرنا رۆژئاڤایێ کوردستانێ.
ل سەر گۆتنێن سەرگەی لاڤرۆڤێن دەربارێ پرسا کوردی دا، جیگرێ ھەڤسەرۆکێ ئەنجوومەنا جیبجیکرنێ یا رێڤەبەریا خوەسەر بەدران چیا کورد داخواز ژ رووسیایێ کر کو رۆلا کێمکرنا ململانیێ بگێریت و گەفێن ترکیێ یێن ل سەر ھەرێمێ ژی کێم بکەت.
بەدران چیا کورد دیار کر: “داخویانیێن لاڤرۆڤ خزمەتا چارەسەرکرنا کێشەیێن سووریێ ناکەت بەلکو دێ بیتە هاریکار ژ بۆ ھاندانا زێدەترا ترکیا و ئیرانێ ل دژایەتیکرنا رێڤەبەریا خوەسەر.”
بەدران چیا ژ ھەڤپەیمانیا ناڤدەولەتی و ب تایبەتی ژ ئەمریکایێ داخواز کر، ھەلوەستەکا زەلالتر ل سەر پاشەرۆژا رۆژئاڤایێ کوردستانێ نیشان بدەن.
بەری نھا، وەزیرێ دەرڤەیێ رووسیایێ سەرگەی لاڤرۆڤ گۆتبوو، دبیت کو چالاکیێن ئەمریکایێ د پرسا کوردی دس رێ ل بەر تەقینەکا جدی ڤەکەت و دیار کربوو: “رایەدارێن ئتمریکایێ ھەول ددەن خوەسەریەکا کوردا یا نیڤدەولەت دامەزرینن.”
لاڤرۆڤ دەستنیشان کربوو، چالاکیێن ئەمریکایێ د پرسا کوردی دا رێ ل بەر تەقینەکا جدی ڤەدکەت.
وەزیرێ دەرڤەیێ رووسیایێ دگۆت: “رایەدارێن ئەمریکایێ ھەول ددەن خوەسەریەکا کوردا یا نیڤدەولەت دامەزرینن. ئەم دزانین کو ئەو ھەول ددەن ترکان ژی رازی بکەن کو دژایەتیێ نەکەن. د ڤێ رەوشێ دا مژار تەنێ ب سووریێ ڤە گرێدایی نینە، گرێدایی پرسا کوردییە، پرسا کوردی دبیت کو وەسا جدی بتەقیت کو ئەم ڤان رۆژان بگەرین.”
