ئێتیلاعاتا ئیرانێ دوو ژنه چالاكێن كورد ل باژارێ ته‌هرانێ ده‌سته‌سه‌ر كرن و ژ بۆ جیه‌كێ نه‌دیار برنه، سووچا ده‌سته‌سه‌ر كرنێ نه زه‌لاله.
رێخستنا هه‌نگاو یا مافێن مرۆڤان ل رۆژهلاتا كوردستانێ ئه‌شكه‌ره كر، ل رۆژا 6 ڤێ مه‌هێ، هێزێن ئێتیلاعاتا ئیرانێ هه‌ر یێك ژ «ئەندیشە سەدری و نه‌دا پیرخزریان» ل ناڤه‌ندا باژارێ ته‌هرانێ ده‌سته‌سه‌ر كرنه و ژ بۆ جیه‌كێ نه‌دیار برنه، سووچا ده‌سته‌سه‌ر كرنێ هینا نها نه‌هاتییه زانین.
«ئەندیشە سەدری و نه‌دا پیرخزریان» ژ شێنیێن باژارێ سنه یێ رۆژهلاتا كوردستانێ نه و ئه‌ڤ سووچا ژ بۆ وان هاتییه رێخستن، هه‌نگاو نكارییه راستییا وێ بزانه.
تێ زانین «ئەندیشە سەدری» خوه‌ندكارا به‌شا هونه‌را شێوه‌كاریێ یه و پاش ده‌سته‌سه‌ر كرنا وێ، ژ بۆ جیه‌كێ نه‌دیار هاتییه ڤه‌گوهاستن.
ئاگاهیێن رێخستنا هه‌نگاوێ ئه‌شكه‌ره كرنه كو لوقمان پیرخزریان كو باڤێ نه‌دایێ یه ل هه‌مان رۆژێ هاتییه ده‌سته‌سه‌ر كرن كو ئه‌و ژی په‌یكه‌ر تاشه و زیندایێ سیایێ یێ به‌رێ بوو ل رۆژهلاتا كوردستانێ.
