رێڤەبەرێ ئاساییشا دەریێ سینۆری یێ سەرزێرێ غازی گەلیکی پشتی برینداربوونا ب گوڵەیەکی نیشانگر، ژیانا خوە ژ دەست دا.
ئێڤارا ئیرۆ رۆژا پێنجشەمێ ٨ێ جۆتمەھا ٢٠٢٠ان، رێڤەبەرێ ئاساییشا دەریێ سینۆری یێ سەرزێرێ خازی گەلیکی ب مالباتا خوە رە سەردانا گوندێ ئالیخانێ ل سینۆرێ ناحیا کانی ماسی کربوو و ل ور ژ ئالیێ چەند چەکدارێن نەناس ڤە، ب چەکا نیشانگر ھات بریندارکرن.
پشتی ڤەگوھەستنا وی بۆ نەخوەشخانەیەکە ل ناڤچەیا زاخۆیێ، ژیانا خوە ژ دەست دا.
ل سەر ڤێ مژارێ جڤاتا ئاساییشا هەرێما کوردستانێ داخوەیانیەک بەلاڤکر و تێدە دیار کر غازی ب دەستێ تەرۆریستان هاتیە شەهیدکرن.
جڤاتا ئاساییشا هەرێما باشوورێ کوردستانێ هەر وەها راگهاند کو غازی سالح رێڤەبەرێ ئاساییشا دەریی سینۆری یێ سەر زێرێ ئیرۆ ل بەر دەرگەهێ مالا خوە ب دەستێ رەشێ تەرۆریستان هاتیە شەهیدکرن.
جڤاتا ئاساییشێ د داخوەیانیا خوە دە ت کەس یان گرووپ و ئالیەک ب تەرۆر کرنا غازی سالح تومەتبار نەکریە، لێ بەلێ دیار کریە کو تاوانبار وێ باجەک گران بدن.
