پەکەکە دخوازیت چاوا رێکەفتنا دناڤبەرا هەڤلێر و بەغدایێ ژ ناڤ ببەت؟

پەکەکە دخوازیت چاوا رێکەفتنا دناڤبەرا هەڤلێر و بەغدایێ ژ ناڤ ببەت؟

پشتی رێکەفتنا دناڤبەرا حکوومەتا ناڤەندی یا ئیراقێ و حکوومەتا هەرێما باشوورێ کوردستانێ سەبارەت شەنگالێ کو وێ بیتە ئەگەرا ئاڤەدانکرنا شەنگالێ و ڤەگەرینا خەلکێ شەنگالێ کو نها د ناڤا کامپان دا دژین، پەکەکە ب هەموو هیزا خوە دژایەتیا ڤێ رێکەفتنێ دکەت و دخوازیت ئەڤ رێکەفتنە وەکو ئیمزا ل سەر هاتیە کرن نەهێتە جێبەجێکرن.

د نووترین پێنگاڤ دا قادرۆیێن پەکەکێ یێن کو ب ئەسلێ خوە خەلکێ سووریێ و ترکیێ نە وەکو سەرەکیترین کەسێن دژی ڤێ رێکەفتنێ تەڤدگەرن و خوە دگەهیننە عەرەبێن شۆفێنی و گرووپن حەشدا شەعبی یێن ئێزیکی ئیرانێ و دخوازن ب ڤێ چەندێ رێکەفتنا بەغدایێ و هەولێرێ پووچ بکەن.

رێکەفتنا حکوومەتا هەرێما باشوورێ کوردستانێ د گەل ئیراقێ وەکو دەستپێشخەریەکا خێرێ ژ بۆ گەلێ شنگالێ دهێتە حەسابکرن، ژ بۆ ڤەگەرینا وان بۆ سەر جیهـ و وارێن خوە، داکو ئەردێ وان نەهێنە تەعریبکرن و جوگرافییا شەنگالێ ب دەردێ جوگرافییا عەفرین و گرێ سپی و سەرێ کانیێ و کەرکووکێ نەچیت، لێ ڤێ یەکێ پەکەکە گەلەک عاجز کریە و دخوازیت ڤێ رێکەفتنێ ژناڤ ببەت و رێکێ ب جێبەجێکرنا وێ نەدەت.

پەکەکێ ژ بۆ ڤێ چەندی دەست ب خەباتێ کریە و پڕ شەپەرزە بوویە، ئەو خوە دگەهینن عەرەبێن شۆفێنی و گرووپێن حەشدا شەعبی یێن نێزیکی خوە داکو ب رێیا وان ئالۆزییان دروست بکەن و رێگریێ ل جێبەجێکرنا ریکەفتنێ بکەن، پەکەکە ب دارێ زۆرێ و ل ژێر فەشاران چەندین جڤین دگەل عەرەبێن سەر سنۆر ئەنجام دایینە و داخواز ژ وان کریە چەکان هەلگرن و گەر پێشمەرگە دەرباسی شەنگالێ بوون ل دژی وان شەری بکەن، لێ بەلێ ڤان عەشیران ئەڤ داخوازا پەکەکێ ب توندی رەد کریە.

ژ لایەکەێ دی پەکەکە ب رێیا وان سەرۆک عەشیرو کەساتیێن ئێزدی کو نها وەکو دیل ل شەنگالێ د دەستێ خوە دا هێلاینە ژ بۆ هەمان مەبەستێ ئاراستە دکەت و ژ وان دخوازیت ئەو بچنە بەغدایێ و ل دەڤ گرووپێن نێزیکی ئیرانێ ل دژی ڤێ رێکەفتنا دناڤبەرا هەولێر و بەغدایێ نەرازیبوونا خوە دیار بکەن.