ئێریشێن ده‌وله‌تا تركیێ ل سه‌ر باشوورێ كوردستانی ب ئه‌گه‌را په‌كه‌كێ به‌رده‌وامن و ئیرۆ باله‌فران حه‌ره‌كه‌تا چه‌كدارێن په‌كه‌كێ ل گونده‌كێ سینۆرێ پارێزگه‌ها دهۆكێ هه‌ده‌ف كر.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، ئیرۆ رۆژا چارشه‌مبێ 14/10/2020ان باله‌فرێن ده‌وله‌تا تركیێ ئێریشی لڤ و ته‌ڤگه‌رێن په‌كه‌كێ ل سنۆرێ پارێزگه‌ها دهۆكێ كر و نوقته‌یه‌كا په‌كه‌كێ ل گونده‌كێ ناڤچه‌یا چه‌مانكێ هه‌ده‌ف كرن.
ده‌ست نیشان كر، ئه‌ڤ ئێریش ل ده‌مژمێر 2:10 پاش نیڤرۆژێ پێكهاتییه، وه‌ختا كو باله‌فران یه‌ك مووشه‌ك ل ده‌ڤه‌را ده‌رجێ كو دكه‌ڤیته پشتا گوندێ شكه‌فتێ یێ ناڤچه‌یا چه‌مانكێ ل ده‌ڤه‌را به‌رێ گاره.
ئێریشا ئیرۆ هه‌موه‌ختا ئێریشا دوهـ رۆژا سێشه‌مبیێ تێ وه‌ختا كو باله‌فران ل ده‌مژمێر 7:00 شه‌ڤێ مۆتۆرسكله‌كا په‌كه‌كێ ل نێزی گوندێ چه‌مره‌به‌تكێ یێ ناڤچه‌یا چه‌مانكێ هه‌ده‌ف كری كو د ئه‌نجامێ دا دوو چه‌كدارێن په‌كه‌كێ تێدا كوشتن.
پارتییا كاركه‌رێن كوردستانێ ئێدی لڤ و ته‌ڤگه‌رێن گه‌ریلایێن خوه ب ئامانج تێخه ناڤا گوند و دۆربه‌را باژارۆكان، ژ بۆ كو ئه‌ڤ ده‌ڤه‌ر و ناڤچه ببنه مه‌یدانا شه‌ری و ژ وه‌لاتییان بهێنه ڤالا كرن، په‌كه‌كه و ل گۆر قووناغا دوویه‌مین ژ نه‌خشه‌رێیا خوه دخوازیت له‌شكرێ تركیێ زێده‌تر كێشی ده‌ڤه‌رێ بكه‌ت و ناڤچه‌یێن دهۆكێ ببن ناڤچه‌یێن عه‌سكه‌ری.
