تركیێ 13 گه‌ریلا هه‌ده‌ف كرن

تركیێ 13 گه‌ریلا هه‌ده‌ف كرن

ل گۆر ئاماره‌كه‌ نوو ئا زرارێن جانی یێن په‌كه‌كێ كو ده‌وله‌تا تركیێ پارڤه‌كرییه‌، 13 گه‌ریلا ل باكور و باشوورێ كوردستانێ هاتنه‌ هه‌ده‌ف كرن.

وەزارەتا ناڤخوەیا ترکیێ راگھاند، ل ھەرێما کاتۆ مارینۆسێ ل سینۆرێ پارێزگەھییا جۆلەمێرگێ، ئۆپەراسیۆنا ھێزێن وان ل دژی په‌كه‌كێ ب پشتگریا ھێزێن ئەسمانی بەردەوامه‌ و د ئەنجاما ئۆپەراسیۆنێ دا 8 گەریلایێن په‌كه‌كێ ھاتنە کوشتن.

وەزیرێ ناڤخوە یێ ترکیێ سولەیمان سۆیلو، ل سەر حه‌سابا خوە یا تویته‌رێ ئاماژە ب کوشتنا 2 کەسێن ژ ئالیێ په‌كه‌كێ ڤە کریە کو په‌كه‌كه‌ ئەو وەکە سیخۆر ب ناڤ کربوون، و راگھاندیە کو ب کۆم کرنا ئاگاھیێن ئیستخباراتی، ئۆپەراسیۆن ل دەڤەرێ ھاتیە کرن و د ئەنجامێ دا 8 چه‌كدارێن په‌كه‌كێ ھاتنە کوشتن.

ھێزێن پاراستنا گەل هه‌په‌گێ ل رۆژا 13 ڤێ مه‌هێ د داخویانیەکێ دا راگه‌ھاندبوو، رۆژا 8 ڤێ مه‌هێ، ل گوندێ ھەشتێ یێ سەر ب باژارۆکێ چەلێ ڤە ل پارێزگەھییا جۆلەمێرگێ، گەریلایێن وان «دو کەسێن ب ناڤێ عارف سەلیم و ئۆنور سەڤینچ» ب جەزایێ مرنێ جەزا کرنە»، کو ژ بۆ بەرژەوەندییا  دەولەتا ترکیێ «سیخۆری» کرنە و بوونە سەدەما کوشتنا 5 گەریلایان.

وەزارەتا بەرەڤانیا ترکیێ ژی راگه‌ھاندیە، کو رۆژا چارشەمیێ ئۆپەراسیۆنەکا ئەسمانی ل ھەرێما خاکورکێ یا ل ناڤ سینۆرێ ھەرێما کوردستانێ پێک ئانینە.

وەزارەتا بەرەڤانیا ترکیێ دیار کریە، د ئۆپەراسیۆنێ دا 5 گەریلایێن په‌كه‌كێ ھاتنە کوشتن.

په‌كه‌كێ دەربارێ ھەردوو ئۆپەراسیۆنێن ل جۆلەمێرگێ و خاکورکێ و ئیدیعایا ترکیێ یا دەربارێ کوشتنا 13 گەریلایان، ھێژ ت داخویانیەک نەدایە.