ل ئامهدا باكورێ كوردستانێ ئیرۆ دادگهها بكوژێن تاهر ئهلچی برێڤهچوو، 3 پۆلیس و كهسهكێ دن تومهتبارن، لێ بهلێ دادگههێ بریار دا، روونشتنا بهێت یا دادگههـ كرنێ ژ بۆ سالا 2021ێ بهێته پاشئێخستن.
ئیرۆ رۆژا چارشەمبیێ 21/10/2020ێ كهیسا سەرۆکێ بەرێ یێ بارۆیا ئامەدێ تاھر ئەلچی ل دادگەھا جەزایێن گران یا ئامەدێ برێڤەچوو، خانما تاھر ئەلچی، تورکان ئەلچی ژی وەک پارێزەر بەشداری یەکەمین روونشتنا دادگەھا دۆزا ھەڤژینێ خۆ بوو.
سێ پۆلیس و کەسەکێ دی ب ناڤێ (و.ی)، کو د دەما کوشتنا تاھر ئەلچی دا گولە بەردانە پۆلیسان، وەک تۆمەتبار ھاتنە تۆمار کرن.
تۆمەتبارێن کو نەھاتنە گرتن ل دادگەھێ ئامادە نابن و ب رێیا سیستەمێ ڤیدیۆ بەشدار دبن و دێ ئاخەفتنا وان هێته وەرگرتن.
کۆلانا کو تاھر ئەلچی لێ ھاتبوو کوشتن، ھەژمارەکا مەزن یا پۆلیسان لێ بوون، بارۆیا ئامەدێ ئاماژە دایە، پۆلیسێن کو گوللـە بەرددان جھێ گومانێ نە و داخوازا وەرگرتنا گۆتنێن وان کربوون، لێ نەھاتە قەبۆل کرن و تەنێ گۆتنا 15 پۆلیسان وەک شاھد ھاتە وەرگرتن.
رۆژا 28ێ مژدارا 2015ێ، سەرۆکێ وی دەمی یێ بارۆیا ئامەدێ تاھر ئەلچی بوو ئارمانجا ئێریشەکا گومانبار، 5 سال د سەر کوشتنا وی را دەرباس بوون، لێ ھەتا نھا ئەنجامدەر نەھاتنە گرتن.