باله‌فرێن جه‌نگ یێن ده‌وله‌تا تركیێ، گونده‌كێ دی یێ پارێزگه‌ها دهۆكێ، ب ئه‌گه‌را هه‌بوونا چه‌كدارێن په‌كه‌كێ بۆمبه‌باران كر و زیان گه‌هاندنێ و وه‌لاتی ژ ڤێ ته‌كتیكا وێرانكه‌ر یا په‌كه‌كێ دلگران و تۆره‌نه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كرن، ل شه‌ڤا ده‌رباسبوویی باله‌فرێن جه‌نگ یێن ده‌وله‌تا تركیێ لڤینا چه‌كدارێن په‌كه‌كێ ل سنۆرێ ناحیا دیره‌لۆكێ بۆمبه‌باران كر، پاش كو ئه‌ڤ چه‌كدار نێزیكی ئاقارێ گوندێ سگێرا كه‌ڤن بووین.
ده‌ست نیشان كر، باله‌فران، ل ده‌مژمێر 12:00 شه‌ڤ 2 مووشه‌ك ل خالێن چه‌كدارێن په‌كه‌كێ ل ئاقارێ گوندێ سگێرا كه‌ڤن، ل ده‌ڤه‌را نێهلییا دانه.
هه‌ر چه‌ند كو زیانێن په‌كه‌كێ نه‌هاتنه زانین، لێ زیان ب ئاقارێ گوند كه‌تنه و ترس ل جه‌م خه‌لكێ ده‌ڤه‌رێ چێكر.
پارتییا كاركه‌رێن كوردستانێ ژ ده‌ستپێكا هێرشا تركیێ یا ل سه‌ر باشوورێ كوردستانێ كو ل ناڤه‌راستا مه‌ها خزیرانا ئه‌ڤساله بوو، ب مه‌به‌ست لڤینا چه‌كدارێن خۆ ئێخستییه ناڤا گوند و نێزیكی باژارۆكان، په‌كه‌كه ژ ڤێ ته‌كتیكا خۆ دخوازیت ئه‌ڤ گونده بهێنه چۆل كرن و ببن مه‌یدانا شه‌ر، ب ئه‌گه‌را ڤێ سیاسه‌تا ئاشكرا یا په‌كه‌كێ، ده‌وله‌تا تركیێ ژ خزیرانا ئه‌ڤساله 28 خالێن خۆ یێن سه‌ربازی ل باشوورێ كوردستانێ زێده كرینه، ب تایبه‌ت ل گوندێن دۆربه‌را پارێزگه‌ها دهۆكێ.
