پارتی ب توندی بەرسڤا پەکەکێ دا

د بەیانەکا نڤیسکی دا بەردەڤکێ پارتیا دەمۆکراتا کوردستانێ، مەحموود محەمەد، بەرسڤا بەرپرسێن پەکەکێ دا و راگەهاند، پەکەکە ب داخویانیێن رایەدارێن خوە و کریارێن خوە بوویە سەدەما دروستکرنا سەرئێشێ بۆ گەلێ باشوورێ کوردستانێ و گۆت: ئەڤ جورە کارێن پەکەکێ تشتەکە نوو نینە، ئەو ب کارێن خوە یێن نە د جیهدا و ب گومان یێن بوویە مەترسی ل سەر ژیانا گەلێ کوردستانێ.

بەردەڤکێ پەدەکێ هەر وەها راگەهاند، بەرپرسێن پەکەکێ د دوماهی داخویانێێن خوە دا ژی ب نەفەسا گەفکرنێ و دروستکرنا کێشە و ئالۆزییا، و شوولی کرنا راستیان داخویانی دایە.

مەحموود محەمەد راگەهاند، ئەڤە دەما چەندین سالانە پەکەکە ب وەرگرتنا باجێ و داگیرکرنا ملک و مالێ گەلێ کورد، رێگری ل ئاڤەدانکرنا سەدان گوندان و ڤەگەرینا خەلکێ وان گوندان ژ بۆ ناڤچەیێن وان کریە. پەکەکێ مەیدانا شەرێ خوە ڤەگوهاستیە د ناڤا هەرێما باشوورێ کوردستانێ دا و رۆژانە ولاتیێن هەرێمێ باجا مادی و مەعنەوی یا وان رەفتارێن پەکەکێ ددەن. پەکەکە فەرمانبەرێن حکوومەتا هەرێما کوردستانێ شەهید دکەت و هێشتا ژی ل سەر وێ باوەرێ نە کو ئەو گەف نینن ژ بۆی هەرێما کوردستانێ!

بەردەڤکێ پارتی هەر وەها راگەهاند، پەکەکە ب ئاشکەرا ل دژی هەرێما کوردستانێ تەڤ دگەریت و مەترسی ل سەر بەرژەوەندیێن هەرێما کوردستانێ دروست کرینە. ئەو ل هەر جیهەکێ کو کوردەک لێ هەبیت، خوە ب خوەدانێن مالێ دزانن و کوردان ژی ب مێهڤان.

هەر وەها د بەرسڤا داخویانیێن پەکەکێ دا ناڤبووری راگەهاند، مە باوەرەک تەمام ب چارەسەرکرنا ئاشتیانە یا دۆزا گەلێ کورد و یەکیتییا دناڤبەرا لایەنان دا هەیە. داخویانی و کارێن وە گەلەک زیان ژ بۆی هەرێما کوردستانێ هەبوویە و ژ بۆ رێگری کرن ل تێکچوونا زێدەتر یا رەوشا هەرێمێ دخوازین پرسگرێکێن خوە و خەلکێ دی نەئینن ناڤا هەرێما کوردستانێ دا.

پوستێن ھەمان بەش