چه‌كداران ژن و مێره‌ك ژ عه‌فرینێ ره‌ڤاندن

چه‌كداران ژن و مێره‌ك ژ عه‌فرینێ ره‌ڤاندن

كۆمێن چه‌كدارێن گرێدای ده‌وله‌تا تركیێ ب سه‌ر ماله‌كا هه‌رێما عه‌فرینێ دا گرتن و ژن و مێره‌ك ژێ ره‌ڤاندن، چاره‌نڤیسان وان نه‌دیاره‌.

رێخستنا مافێن مرۆڤان یا عه‌فرینێ ئیرۆ رۆژا پێنجشه‌می ئه‌شكه‌ره‌ كر، گرووپێن چەکدارانێن ئۆپۆزیسیۆنا سووریێ یێن ترکیه‌ پشتەڤانییا وان دکەت، ژن و مێرەکێن کورد ژ باژارۆکێ ماباتایێ یێ گرێدای هه‌رێما عه‌فرینێ ل رۆژئاڤا كوردستانێ رەڤاندن.

ده‌ست نیشان كر، گرووپا چەکدار وەلاتیێ ب ناڤێ ئیبراھیم خەنجەر و هه‌ڤژینا وی نارین ئالا ژ رۆژا ٢٤ ڤێ مەھێ ڤە رەڤاندنه‌ و ھەتا نھا چارەنڤیسا وی نەدیارە.

وێ رێخستنێ دیار کر ژی، پێشتر ژی کەچا وان مەدیا خەنجەر کو د ئەنجوومەنا خوەجھییا ماباتایێ دا بوو ھاتبوو رەڤاندن.

تێ زانین ل رۆژا 14 ڤێ مه‌هێ چەکداران سەرۆکێ ئەنجوومەنا خوەجھییا ماباتایێ عەبدولموتەلب شێخ ناسان و ھەژمارەک ژ کارمەندێن وێ ئەنجوومەنێ رەڤاندبوون و ھەتا نھا چارەنڤیسا وان نە دیارە.

ئارتێشا ترکیێ و گرووپێن چەکدارێن سەر ب وێ ڤە ژ رۆژا 18ی ئادارا 2018ان ڤە هه‌رێما داگیر کرنە و ھەتا نھا ب ھەزاران کوردێن عەفرینێ رەڤاندنە و چارەنڤیسا بەشەکە رەڤاندییان نە دیارە، د پرانییا جاران دا كۆمێن چه‌كداران په‌ره‌یان ژ بۆ سه‌ربه‌ست به‌ردانا ره‌ڤاندییان ژ مالباتێن وان دخوازن.

سه‌ده‌مه‌كا دن یا رەڤاندنا وەلاتییان ب ئارمانجا وێ یەکێ یە كو گوهه‌رینێن دیمۆگرافی ل ناڤچه‌یێ بهێنه‌ كرن و باژار و باژارۆكێن رۆژئاڤا ژ شێنیێن كورد ڤالا ببن.