ل باژارۆكێ ئه‌ردیشێ گرێدای پارێزگه‌هییا وانی یا باكورێ كوردستانێ، هه‌ژمارا 210 كۆچبه‌رێن بێ ده‌ستوور هاتن بن چاڤ كرن، وان خوه د ئه‌ره‌به‌یه‌كا باری ده ڤه‌شارتبوو.
ل گۆر ئاگاهیێن ده‌ستێ مه، ئیرۆ رۆژا پێنجشه‌می 29/10/2020ان، هێزێن ئه‌وله‌كاریێ ل باژارۆكێ
ئه‌ردیشێ یێ گرێدای پارێزگه‌ها وانێ، هه‌ژمارا 210 كۆچبه‌رێ بێ ده‌ستوور كو د خوه‌ستن ب ریكێن ده‌ر یاسایێ ده‌رباسی ئه‌ورۆپایی ببن، هاتن بن چاڤ كرن.
ئه‌ڤ كۆچبه‌ر كو د ئه‌ره‌به‌یه‌كا بارهه‌لگر دا هه‌ولا ده‌رباسكرنا سینۆران دكر، 170 ژێ ئه‌ڤغانی، 26 پاكستانی، 9 ئیراقی و 4 ژی به‌نگلادشی و یه‌كێ دن ئۆزبه‌كستانی یه، ئه‌وان ب رێیه‌كا قاچاخ ده‌رباسی باكورێ كوردستانێ ببوون.
ژ ڤان كۆچبه‌ران 18 زارۆ و 9 ژن هه‌نه.
هێزێن ئه‌وله‌كاریێ ژ بۆ برێڤه‌برییا كۆچ و كۆچبه‌ران یا پارێزگه‌هییا وانێ هاتن ڤه‌گوهاستن و ده‌ست ب سه‌ر ئه‌ره‌به‌یا بارهه‌لگر ده هات گرتن.
