سیاسەتمەدارەکی رۆژئاڤا: ژ بلی پەکەکێ هیچ ھێزەکا کوردی نەکەفتیە لیستەیا تیرۆرێ دا

سیاسەتمەدارەکی رۆژئاڤا: ژ بلی پەکەکێ هیچ ھێزەکا کوردی نەکەفتیە لیستەیا تیرۆرێ دا

سیاسەتمەدارەکێ رۆژئاڤایێ کوردستانێ دبێژیت، ژ بلی پەکەکێ هیچ ھێز و پارتیەکا کوردی نەکەتیە لیستەیا تیرۆرێ دا.

یاساناس و سیاسەتمەدارێ رۆژئاڤا، رەدیف مستەفا ل سەر تەقاندنا بۆریا نەفتا کوردستانێ ژ لایێ پەکەکێ ڤە، ژ بۆ مالپەرا باس نیۆزێ ئاخفت و گۆت، کریار و رەفتارێن تیرۆریستی یێن پەکەکێ ل ھەرێما کوردستانێ، ل سەر داخوازا دەزگەھێن ئیستخباراتی یێن بیانی دهێنە ئەنجامدان، بەردەوامن.

رەدیف مستەفا ھەر وھا گۆت، پەکەکە ب ھەموو شاخ و لقێن خوە ڤە، رێخستنەکا تیرۆریستی یە. د دیرۆکا کوردان دا حەتا نھا ژ بلی پەکەکێ هیچ ھێزەکا دی یا کوردی ئەو ناسناڤ وەرنەگرتیە.

وی سیاسەتمەدارێ کورد هەر وەها راگەهاند، پەکەکە گەلێ کوردستانێ بۆ بەرژەوەندیێن خوە دشەوتینیت و زیانێ دگەھینیتە کوردستانێ.

ب گۆتنا رەدیف مستەفا، ھەبوونا پەکەکێ ل ھەرێما کوردستانێ و رۆژئاڤایێ کوردستانێ، تەنێ خزمەتا داگیرکەر و دژمنێن کوردستانێ دکەت. دڤێت پەکەکە ژ ھەرێما کوردستانێ دەرکەڤیت و ئێدی خوە نەکەتە خوەدانێ رۆژئاڤایێ کوردستانێ ژی. دڤێت ھێزێن نەتەوەیی ژی داخوازا دەرکەتنا پەکەکێ ژ وان دو بەشێن کوردستانێ بکەن.

وی سیاسەتمەدارێ رۆژئاڤا دا خویاکرن، پەکەکە ژ رۆژا کو ھەرێما کوردستانێ ھاتیە ئاڤاکرن، دژبەریا خوە نیشان دا و گۆت، ب باوەریا پەکەکێ ھەرێما کوردستانێ خەنجەرەکە ل پشتا عەرەبان ھاتیە دایین! نھا ژی، ژ بەر کو نەشێن ب شەر ھەرێما کوردستانێ ژ ناڤ ببەن، دخوازن ب تیرۆر و شەرێ ئابۆری، دژمناھیا وێ بکەن.

پوستێن ھەمان بەش