نڤیسکار و رۆژنامەڤانێ کورد یێ رۆژئاڤایێ کوردستانێ دەربارێ تەقاندنا بۆریا نەفتێ یا ھەرێما کوردستانێ دا ئاخڤت و دا زانین پەکەکە دخوازیت کێشەیان بۆ ھەرێما کوردستانێ چێکەت و ھەرێما کوردستانێ بکەتە ھەرێما سەربازی.
ئیرۆ رۆژا پێنجشەمێ ٣١/١٠/٢٠٢٠ان، نڤیسکار و رۆژنامەڤانێ کورد ھۆشەنگ ئۆسێ، د حیسابا خوە یا تۆرا مەدیایا جڤاکی یا فەیسبووکێ دەربارێ تەقاندنا بۆریا نەفتێ یا ھەرێما کوردستانێ ژ لایێ پەکەکێ ڤە نڤیسینەک بەلاڤ کر.
ئۆسێ دبێژیت ئارمانجا پەکەکێ ئەوە کو کێشەیان ژ بۆ ھەرێما کوردستانێ ساز بکەت و خاکا ھەرێما کوردستانێ بکەتە سەربازی.
ھەروەھا ھۆشەنگ ئۆسێ دبێژیت پەکەکە ب تەقاندنا بۆریا نەفتێ وسا دکەت کو نە تنێ بەغدا و ھەڤلێر، ئەنقەرە و واشنگتۆن ژی دژی وێ راوەستن.
ھۆشەنگ ئۆسێ تەکەزی ل سەر وێ چەندێ ژی کر و گۆت جەمیل بایکێ سەرکردەیێ پەکەکێ چاوا د سالێن ١٩٨٠ی و ١٩٩٠ی دا داخوازێن رژێما بەشەر ئەسەد و ئیرانێ ب جی دئینان نھا ژی ھەمان کاری دکەت.
