ئه‌ندامه‌كێ پارتییا كاركه‌رێن كوردستانێ كو كارێن مه‌دیایی یێن «دوران كالكان» سه‌ركردێ رێخستنێ برێڤه دبرن، ل باژارێ ئه‌ده‌نه هات ده‌سته‌سه‌ر كرن.
ئاژانسا ئه‌نادۆلێ یا ده‌وله‌تا تركیێ ئیرۆ رۆژا شه‌می 7/11/2020ێ راگه‌هاند، هێزێن شاخا دژه ته‌رۆرێ ئیرۆ د ئۆپه‌راسیۆنه‌كێ دا ئه‌ندامێ په‌كه‌كێ یێ ب ناڤێ «ی.ك» ته‌مه‌ن30 سالی كو كارێن مه‌دیایی یێن دوران كالكان رێڤه‌به‌رێ په‌كه‌كێ د مه‌شاندن، ده‌سته‌سه‌ر كرن.
ده‌ست نیشان كر، ئه‌ڤ ئه‌ندامێ په‌كه‌كێ ل سالا 2016ێ سه‌ردانا كامپێن په‌كه‌كێ ل باشوورێ كوردستانێ كربوو و به‌رییا مه‌هه‌كێ ئه‌و ڤه‌گه‌رییه تركیێ و ل باژارێ ئه‌ده‌نه‌یێ هات ده‌سته‌سه‌ر كرن.
ھات دیار کرن کو شکبار ل سەر ناڤێ دوران کالکانێ وێنه و نووچه‌یێن کامپێن په‌كه‌كێ و هنده‌ك ھەرێمێن پەڤچوونێ ژ سازیێن مەدیایێ یێن نێزی رێخستنا په‌كه‌كێ سێرڤێس دكرن.
