وەزیرێن ناڤخوە و ھەرێمێ ژ بۆ رێکەفتنا شنگالێ دچنە پەرلەمانی

وەزیرێن ناڤخوە و ھەرێمێ ژ بۆ رێکەفتنا شنگالێ دچنە پەرلەمانی

بریارە رۆژا دوشەمبێ وەزیرێ ناڤخوە و وەزیرێ ھەرێمێ ژ بۆ کارووبارێن بەغدایێ دەربارێ ناڤەرۆکا رێکەفتنا ئاساییکرنا رەوشا شنگالێ، بچنە پەرلەمانا کوردستانێ.

سەرۆکا کۆمیتەیا ناڤچەیێن کوردستانی یێن دەرڤەیی ئیدارەیا ھەرێما کوردستانێ جوان یوونس رۆژبەیانی ژ K24ێ را راگەھاند، بریارە رۆژا دوشەمبێ وەزیرێ ناڤخوە رێبەر ئەحمەد و وەزیرێ ھەرێمێ یێ ژ بۆ کارووبارێن بەغدایێ خالد شوانی سەردانا پارلەمانا کوردستانێ بکەن و دگەل کۆمیتەیا ناڤچەیێن کوردستانێ باجڤن.

ئاشکەرا کر: “د جڤینێ دا دێ ناڤەرۆکا رێکەفتنا ھەولێر و بەغدایێ یا ژ بۆ ئاساییکرنا رەوشا شنگالێ و دەم و چاوانییا جیبجیکرنا رێکەفتنێ ژ بۆ ئەندامێن کۆمیتەیێ هێتە شیرۆڤەکرن. ب گشتی گاڤێن ئاساییکرنا رەوشا ناڤچەیێن کوردستانی دێ هێتە شیرۆڤەکرن.”

رۆژا 9/10/2020ێ ل بەغدایێ د ناڤبەرا ھەرێما کوردستانێ و ئیراقێ دا رێکەفتنا ئاساییکرنا شنگالێ ھاتە ئیمزەکرن. نوونەرێ تایبەتیێ نەتەوەیێن یەکبوویی ژی د کۆمبوونێ دا بوو.

رێکەفتنا ئاساییکرنا رەوشا شنگالێ، ژ بلی ئاساییکرنا رەوشا ئەولەھی و ڤەگەراندنا ئاوارەیان، دەرفەتەکە ژ بۆ رێخستنێن ناڤدەولەتی و نەتەوەیێن یەکبوویی کو چاڤێن وان ل جیبجیکرنا رێکەفتنێ یە، بەشداری ئاڤاکرنا وێ ناڤچەیێ ببن.

پوستێن ھەمان بەش