کۆچبەر دبێژن رەوشا وان رۆژ ب رۆژ د ناڤ کامپان دا خرابتر دبیت و ھەر وھا بەری کو خزمەتکاری ل ناڤچەیێن وان نەیێن کرن، ئەو نکارن نھا ڤەگەرن.
خوەپێشاندەران ئهڤ سلۆگان د خۆپێشاندانێ دا بهرز كربوو: «ئەم داخوازا سەربەستبەردانا رەڤاندیان ژ زندانێن داعشێ و پارتییا کارکەرێن کوردستانێ دکهین و بلا داوی ل تەرۆرا رەوشەنبیری و فزیکی یا ل دژی وەلاتیێن شەنگالێ تێ کرن، وەرە.«
ھەروھا کۆچبەرێن شنگالێ دبێژن: «رەڤاندنا زارۆک و بچووکان ژ ئالیێ پارتییا کارکەرێن کوردستانێ ڤە و بچەکرنا وان، ل دژی یاسایێن ناڤنەتەوەیی یە.«
ھەبوونا ھێزێن چەکدار و پهكهكێ ل شەنگالێ، نەھشتیە کو رێخستنێن ناڤنەتەوەیی بەرێ خوە بدن ھەرێمێ و ژ نوو ڤە ئاڤا بکهن و ئەڤ یەک ژی نەھشتیە کو گەلێ ھەرێمێ ڤەگەرن مالێن خوە و ژ کامپێن پەنابەران دەرکەڤن کو نھا ژ سەدی 80ێ یا وان ل کامپان ژیان دكن.
