ئێریشا پەکەکێ ل سەر پێشمەرگەیان بۆ سەدەما چەک دانانا گەلەک گەریلایان

ئێریشا پەکەکێ ل سەر پێشمەرگەیان بۆ سەدەما چەک دانانا گەلەک گەریلایان

ئێرشا پەکەکێ کو ل 4ێ مژدارێ ل سەر پەشمەرگەیان هاتبوو ئەنجامدان ژ لایێ گەلەک لایەنێن سییاسی و هێزێن ناڤ نەتەوەیی دا ھاتە شەرمەزار کرن. گەلەک لایەنا ئێریشا پەکەکێ یا کو لە سەر پێشمەرگەیان ھاتە ئەنجامدان و د ئەنجامدا پێشمەرگەیەک شەھید بوو و سێ پێشمەرگە بریندار بوون شەرمەزار کر و وەکە چالاکییەکا تیرۆریستی نرخاند.

ئێرشا کو پەکەکێ ل سەر پیشمەرگە کربوو وەزارەتا دەرڤەیا ئەمریکا، وەزارەتا دەرڤە یا فەرەنسا ژی وەکو چالاکییەک تیرۆریستی بناڤ کر و ژ لایێ وانڤە ھاتە شەرمەزار کرن. پەکەکێ پشتی ڤان شەرمەزارییا دوبارە ل سەر ناڤێ ھەپەگێ داخوویانییەک بەلاڤ کر. پەکەکێ-ھەپەگێ د داخویانیێ دا راگهاند کو: “ ئەم خەمگینین ژ بۆ بوویەرا چەمانکێ”.  لێ بەلێ تێدا هیچ لێبوورینەک نەبوو و هەلوەستێن خوە یێن بەرێ بەردەوام کرن.  گەلەک لایەنێن سییاسی ئەگەرێ دویەمین داخوویانی یا پەکەکێ وسا نرخاند کو پەکەکێ ھێڤی نەدکر کو ب ڤی رەنگێ توند هەلوەست بەرامبەری وان بهێتە نیشاندان.

د هەمان دەمێ دا چاڤکانییێن هەرێمی دبێژن کو  گەلەک ئەندامێن پەکەکێ ژی ژ ڤی شەری نە رازینە.  پەکەکە وان کەسێن کو ل شەری دوورن و د شکەفتان دانە ب گۆتنا “ پێشمەرگە ئێرشی مە کر دخاپینیت. لێ بەلێ ئەو گرووپێن چەکدار کو ل دەردۆرا چیایێ گارە نە و نێزیکی وان جهانە کو پەکەکێ بەرهەڤی لێ کری کو ل وێ دەرێ ئێرشێ ببەتە سەر پێشمەرگەیان ڤێ راستیێ باش دزانن.  ژ بەر ڤێ یەکێ ژی ناخوازن بەشداری شەری ببن. ل گۆر چاڤکانیێن ھەرێمی دییار دکن ژ 4ێ مژدارێ حەتا نها ل ناڤ 4 رۆژان دا نیزیکی 9 گەریڵایا ب تەنێ ل دەردۆرا چیایێ گارە و چەمانکێ ریزێن پەکەکێ بجیهـ هێلایە و خوە رادەستی پێشمەرگەیان کریە.

ئەڤ گەنجێن کوردا کو ژ ناڤ پەکەکێ قوت دبن دهێنە ناڤ مالێن خەلکی یان ژی راستە راست هندەک ژ ڤان خوە دگەهیننە هێزێن پێشمەرگە. ئەڤە ددەنە دیارکرن کو سەبەبێ قوتبونا وان ژ ناڤ پەکەکێ ئەڤەیە کو ئەو ناخازن ل دژی پێشمەرگەیان شەری بکەن.  ئەڤ کەسە دبێژن کو “ ئەم ھاتینە ل سەر ڤان چییایا کو ئەم ل دژی داگیرکەرێن کوردستانێ شەری بکین ئەم نە ھاتینە کو ل دژی کوردا شەری بکین. مە قەبوول نەکرییە کو ئەم دژی پێشمەرگەیان شەری بکین، ئەم شەرێ دژی پەشمەرگە وەکو خیانەتکرن ل کوردستانێ دبینین. ژ بەر ڤێ یەکێ ژی ئەم ژ ناڤ ریزێن پەکەکێ دەرکەتینە.

چەند ڤیدیۆ ژ لایێ ھندەک ژ خەلکێ هەرێمێ ڤە ھاتیینە تۆمارکرن کو تێدا دەما هاتنا گەریلایا ژ بۆ ناڤ پێشمەرگەیان نیشان ددەت. لێ بەلێ هێزێن پێشمەرگە ڤان ڤیدیۆیان کۆم دکەت و ناهێلیت کو خەلک ڤان دیمەنا بەلاڤ بکەت، لێ دیسا ژی ھەندەک دیمەن ل سۆسیال میدیایێ دا بەلاڤ بوون. د یەک ژ وان ڤیدیۆیان دا کو ل 6ێ مژدارا 2020ێ لە ناڤچەیا چەمانکێ ھاتییە گرتن. دو گەریلا دهێنە ناڤ پێشمەرگەیان کو یەک ژ وان ژنە.