هێزێن هه‌ڤپه‌یمانییا ناڤنه‌ته‌وه‌یی یا دژی رێخستنا داعشێ كو ئه‌مه‌ریكا سه‌رپه‌رشتییا وێ دكه‌ت، ئیرۆ هه‌ژماره‌كه مه‌زن ئا ئالیكاریێن سه‌ربازی راده‌ستی هێزێن پێشمه‌رگه‌یێن باشوورێ كوردستانێ كر.
ئیرۆ رۆژا سێشەمی 10/11/2020ان، ھێزێن ھەڤپەیمانییا ناڤنه‌ته‌وه‌یی ب سەرپه‌رشتییا ئه‌مەریکایێ د مەراسیمەکێ دا ل ھەولێرێ، ئالیکاریێن لەشکەری رادەستی ھێزێن پێشمەرگە کر، ئه‌ڤ ئالیكاری د چارچووڤه‌یا هه‌ولێن یه‌كگرتنا پێڤاژۆیا یه‌كخستنا پێشمه‌رگه‌ی دا هاتنه باشوورێ كوردستانێ.
ل گۆری ئاگاهیێن ده‌ستێ مه، ئالیکاری ژ ئۆتۆمبێلێن لەشکەری یێن ژ جۆرێ هامه‌ر، تانکەرێن سۆتەمەنیێ و ھنده‌ك کەلوپەلێن لەشکەری پێک تێن.
د مەراسیمێ دا، نوونەرێن ھەڤپەیمانان و بەرپرسێن وەزارەتا پێشمەرگە ئامادە بوون، بریکارێ وەزارەتا پێشمەرگە، سەربەست لەزگین دەربارێ ئالیکاریان دا گۆت: پرچەککرنا پێشمەرگە بەشەکی گرنگ ژ وێ ره‌فۆرما كو د وەزارەتا پێشمەرگەی دا ده‌ست پێ كرییه.
ئەو ئالیکاریێن لەشکەری ل سەر ھەردو لیوایێن 14 و 16 یێن په‌یاده یێن ھێزێن پێشمەرگە هاتنه پارڤه‌كرن.
