ئارته‌شا تركیێ لڤ و ته‌ڤگه‌رێن خوه ل باكورێ رۆژئاڤایێ سووریێ و ناڤچه‌یێن رۆژئاڤا كوردستانێ خورت كرنه و ئیرۆ دۆربه‌را باژارێ تل رفعه‌تێ یێ گرێدا ناڤچه‌یا شه‌هبایێ تۆپ باران كر.
چاڤكانیێن پێگه‌ها داركا مازی ل رۆژئاڤا كوردستانێ ئه‌شكه‌ره كر، ئیرۆ رۆژا چارشه‌می 11/11/2020ان، ئارته‌شا تركیێ و كۆمێن چه‌كدار یێن گرێدای وێ، گوندێ ب ناڤێ شێخ عیسا یێ سینۆرێ باژارۆكێ تل رفعه‌تێ تۆپ باران كر.
هه‌موه‌ختا ئێریشا تركیێ، كۆمێن چه‌كداران یێن گرێدای ئارته‌شا تركیێ دۆربه‌را باژارۆكێ تل رفعه‌تێ تۆپباران كر، لێ به‌لێ زرارێن جانی یێن ڤان ئێریشان نه‌هاتنه زانین.
گوندێ شێخ ئیسا ل ناڤچەیا شەھبایێ د ژێر دەستێ ھێزێن سووریایا ده‌مۆكراتیك ده یه، لێ به‌لێ ھێزێن ھکوومەتا سووریێ ژی ل ناڤچەیێ ھەنە و ل ژێر ده‌ستهلاتا رێڤه‌به‌رییا خوه‌سه‌ر دا یه.
