ئۆپه‌راسیۆنه‌كا مه‌زن ل باكورێ كوردستانێ ده‌ستپێكر

تركیێ ئۆپه‌راسیۆنه‌كا‌ مه‌زن ل باكورێ كوردستانێ ده‌ستپێكر

سوپایێ تركیێ ئیرۆ ده‌ست ب ئۆپه‌راسیۆنه‌كا مه‌زن ل دژی چه‌كدارێن په‌كه‌كێ ل باكورێ كوردستانێ كر و ژ بۆ ڤێ ب سه‌دان عه‌سكه‌ر شاندنه‌ دۆربه‌را بدلیسێ.

ل گۆر ئاگاهیێن ده‌ستێ مه‌، ئیرۆ رۆژا شه‌می 14/11/2020ێ، سوپایێ تركیێ ئۆپه‌راسیۆنا ب ناڤێ یلدرم-15 ل دۆربه‌را پارێزگه‌ها بدلیسێ یا باكورێ كوردستانێ، ل دژی چه‌كدارێن په‌كه‌كێ ده‌ست پێ كر، 816 عه‌سكه‌ر  و هێزێن ئه‌وله‌هیێ تێدا به‌شدارن.

سوپایێ تركیێ راگهاند كو ئه‌ڤ ئۆپه‌راسیۆن ئاماده‌كاریێن وه‌رزێ زڤستانێ نه‌ ژ بۆی بێ ته‌ئسیر كرنا چه‌كدارێن په‌كه‌كێ یه‌ ل دۆربه‌را باژاران.

تێ زانین ئۆپه‌راسیۆنا یلدرم ل تیرمه‌ها ئیسالێ ژ بال ده‌وله‌تا تركیێ ده‌ست پێ كرییه‌ و هه‌یا نها ل 13 باژاران هاتییه‌ ئه‌نجام دایین، ل گۆری ئامارێن تركیێ د 12 قووناغێن ڤێ ئۆپه‌راسیۆنێ دا ب ده‌هان چه‌كدارێن په‌كه‌كێ هاتنه‌ كوشتن، لێ به‌لێ په‌كه‌كه‌ ئاماژه‌ ب ژ ده‌ست دانا ڤان چه‌كدارێن خوه‌ ناكه‌ت‌.