باله‌فرێن ده‌وله‌تا تركیێ ئیرۆ خالێن چه‌كدارێن په‌كه‌كێ ل باشوورێ كوردستانێ بۆمبه‌باران كرن، ئێریش ل چیایێ مه‌تینی هاتییه كرن.
ل گۆر چاڤكانیێن پێگه‌ها داركا مازی ل باشوورێ كوردستانێ، ئێڤارا ئیرۆ رۆژا شه‌می 14/11/2020ان، باله‌فرێن جه‌نگ یێن ده‌وله‌تا تركیێ، حه‌ره‌كه‌تا چه‌كدارێن په‌كه‌كێ ل چیایێ مه‌تینی بۆمبه‌باران كرنه، لێ به‌لێ زرار نه‌هاتنه ئه‌شه‌كه‌ره كرن.
ئێریش ل ده‌مژمێر 3:05 خوله‌كێ ئێڤارێ پێكهاتییه وه‌ختا كو باله‌فران یێك مووشه‌ك ل چیایێ مه‌تینی ل هنداڤا شكه‌فتا ب ناڤێ بابه‌كرا یا باشوورێ گوندێ بازێ گرێدای ناڤچه‌یا كانی ماسێ دانه.
پارتییا كاركه‌رێن كوردستانێ ژ بۆ كو خوه ژ ئێریشێن باله‌فران بپارێزه، حه‌ره‌كتا چه‌كدارێن خوه خستییه ناڤا گوند و دۆربه‌را باژارۆكان، ئه‌ڤ یێك ژی بوویه سه‌ده‌م كو گه‌لێ باشوور ب تایبه‌ت شێنیێن گوندان زرارێ ببین، ژ به‌ر كو ناڤچه‌یێن وان هنه‌كی مایه ببن مه‌یدان شه‌ر.
