رژێما ئیرانێ بنگه‌هێن پارتیێن رۆژهلات تۆپباران كرن

رژێما ئیرانێ بنگه‌هێن پارتیێن رۆژهلات تۆپباران كرن

سپایێ پاسداران یێ رژێما ئیرانێ ئه‌شكه‌ره‌ كر، وان بنگەھێن پارتیێن رۆژھلاتێ کوردستانێ تۆپباران کرنە، لێ به‌لێ ده‌ست نیشان نه‌كر، كیژان پارتی نه‌.

بریارگەھا سپایێ پاسداران یا رژێما ئیسلامی یا ئیرانێ، ل ئورمیێ دا خویاکرن کو وان بنگەیێن پارتیێن رۆژھلاتێ کوردستانێ ل سەر سنۆر تۆپباران کرنە و زیان گه‌ھاندنە وان، بێ كو چ ئاگاهییه‌كا دی به‌لاڤ بكه‌ن.

پارتیێن رۆژھلاتێ کوردستانێ ھەتا نھا  چ ئاگاهییه‌ك ل سەر وان نووچەیان ئاشکەرە نەکرنه‌ و ئاگاهی ل ده‌ربارا ئێریشا پاسداران نه‌دانه‌.

ئەڤ د دەمەکێ دا یە کو ھێزا پاراستنا سنۆران یێن سپایێ پاسداران ل 13ی ڤێ مه‌هێ راگه‌هاندبوو كو وان 3 چه‌كدارێن خوه‌ د شه‌ره‌كی دا ل سنۆرێ پارێزگه‌ها ئۆرمیێ ل گه‌ل دژبه‌رێن شۆرشێ ژ ده‌ست داینه‌.