ل باژێرێ دیلۆکێ یێ باکورێ کوردستانێ کەسەک کو ل نەخوەشخانەیێ ل جەم ھەڤژینا خوە یا نەخوەش دما و چاڤدێریا وێ دکر، ژ قاتا پێنجێ یا وێ نەخوەشخانەیێ خوە هاڤێتە خوارێ و خوە کوشت.
ل گۆر زانیاریێن کو ھاتینە بەلاڤکرن، کەسێ ب ناڤێ مستەفا ئاتاش، پشتی کو شەرە دەڤ د ناڤبەرا وی و ھەڤژینا وی دا چێبووی، خوە ژ قاتێ پێنجێ یێ وێ نەخوەشخانەیێ هاڤێتیە خوارێ و مریە.
پشتی وێ بوویەرێ ژی کەسووکارێن وی کەسی، ل ناڤا حەوشا نەخوەشخانەیێ رابوونە ھەڤدوو و د ناڤبەرا وان دا ئالۆزی چێبوون.
د دەربارێ وێ بوویەرێ دا ژی لێپرسین ھاتیە دەستپێکرن.
