باژارێ دووز یێ دهێته‌ تركی كرن

باژارێ دووز یێ دهێته‌ تركی كرن

ئه‌ڤ ده‌ما چه‌ند رۆژانه‌ ل باژارێ دووزخۆرماتوو یێ گرێدای باژارێ كه‌ركووكێ، نڤیسێن ل سه‌ر تابلۆیێن جهێن بازرگانی ژ بۆ زمانێ تركی دهێنه‌ ڤه‌گوهاستن، به‌ره‌یا توركمانی ل وێ ده‌رێ سه‌رپه‌رشتیێ ل ڤی كاری دكه‌ت.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، به‌ره‌یا توركمانی ل باژارێ دووزخۆرماتوو ژ داوییا مه‌ها 10 یا ئیسالێ، ده‌ست ئاڤێتییه‌ گوهه‌راندنا تابلۆ و ناڤێن جهێن بازرگانی  و ل جیێ زمانێ كوردی و عه‌ره‌بی، تابلۆیێن وان جهان ژ بۆ زمانێ تركی ڤه‌گوهاستنه‌.

یه‌كێتییا خوه‌ندكار و لاوان یا گرێدای به‌ره‌یا توركمانی ل باژارێ دووز ئالیكاری و وان جهێن بازرگانی ده‌ست نیشان دكه‌ت كو پێویسته‌ تابلۆیێن وان ب زمانێ تركی بن.

چاڤكانیێن پێگه‌ها مه‌ ل باشوورێ كوردستانێ، دیمه‌نێن ڤێ یه‌كێ شاندنه‌ و تێده‌ ب زه‌لالی ئه‌شكه‌ره‌ دبه‌ كو تابلۆیێن جهێن بازرگانی ژ بۆ زمانێ تركیێ هاتنه‌ ڤه‌گوهاستن.

ئه‌ڤ ژی ب وێ واتایێ دهێت كو به‌ره‌یا توركمانی دخوازیت باژارێ دووز ب ته‌مامی بكه‌ڤه‌ ل ژێر هه‌ژموونا ده‌وله‌تا تركیێ.

تێ زانین باژارێ دووز گرێدای  پارێزگه‌ها سه‌لاحه‌ددینێ یه‌، د به‌رێ ده‌ گرێدای كه‌ركووكێ بوو،  كورد و توركمان لێ هه‌نه‌ و عه‌ره‌ب تێده‌ كه‌مینه‌ نه‌، د ئێریش و خیانه‌تا 16ی ئۆكتۆبه‌را سالا 2017ان كه‌ته‌ ل ژێر ده‌ستهلاتا هێزێن حه‌شدا شه‌عبی و به‌ره‌یا توركمانی نها ل ور ب هێز كه‌تییه‌.