پشتی کو ئیرۆ رۆژا یەکشەمی ھەژمارەک ژ کەسایەتی و نڤیسکار و سیاسەتمەدارێن باکورێ کوردستانێ ب نوونەراتیا 500 کەسایەتی و نڤیسکار و سیاسەتمەدارێن باکور سەرەدانا پەرلەمانێ کوردستانێ کری، کۆنگرەیەک چاپەمەنیێ ئەنجام دا.
ئیبراھیم گوچلو د دەربارا سەرۆکێ شاندێ، سەبارەت چاوانیا دامەزراندنا پەکەکێ راگەھاند، پەکەکە مەترسیەکا گەلەک جدی یە ل سەر بزاڤا ھەر چار پارچەیێن کوردستانێ و ب تایبەتی ژی باشوورێ کوردستانێ، ژبەرکو چێکرییا دەستێ دەولەتێن داگیرکارێن کوردستانێ یە ژ بۆ ژناڤبرنا خەباتا ئازادیخوازانەیا گەلێ کورد.
گوچلو ھەر وەھا ئاماژە ب ڤێ یەکێ دکەت، ژ بۆ ئیسبات کرنا ڤێ راستیێ ئەم دکارین باس ل دەستپێکا دامەزراندنا پەکەکێ بکین، دەما کو دژاتیا باشوورێ کوردستانێ کری و ھەول دایی ئاساییشا ھەرێما باشوور تێک بدەت.
شاندا سیاسەتمەدار، نڤیسکار و کەسایەتیێن باکورێ کوردستانێ ل پێش پەرلەمانا کوردستانێ داخواز ژ پەکەکێ کر کو ستاتۆیا دەستووری یا ھەرێما کوردستانێ قەبوول بکەن و وەک سالێن 90ان نەکەن.
ھەروھا داخواز ژ لایەنێن سیاسی یێن باشوورێ کوردستانێ کرن، دەربارێ ئێریشێن پەکەکێ دا بێدەنگ نەمینن و رێ نە دەن ئەڤ پەرچەیا ئازادا کوردستانێ بهێتە ئارمانجکرن.
د داویا داخویانیا خوە دا سەرۆکێ شاندا سیاسەتمەدارێن باکورێ کوردستانێ راگەھاند، ھەر بوھستەک ژ ئاخا باشوور کو نھا د دەستێ پەکەکێ دایە، داگیرکاریەک ئاشکەرا و شەر فرۆتنە ب حکوومەتا ھەرێما کوردستانێ.
