وەزیرێ کارێن دەرڤەیێ ئەمریکایێ ھاتە دەستنیشانکرن

وەزیرێ کارێن دەرڤەیێ ئەمریکایێ ھاتە دەستنیشانکرن

جۆ بایدن کەسەکێ نوو ژ بۆ وەزارەتا کارێن دەرڤە یێ ئەمریکایێ دەستنیشان کر. مەدیایا ئەمریکی راگەھاند کو سەرۆکێ ھەلبژارتییێ ئەمریکایێ جۆ بایدن، رۆژا سێشەمبێ دێ بەشەک ژ کابینەیا خوە یا رێڤەبەریا نوو یا ئەمریکایێ ئاشکەرا کەت.

مەدیایا ئەمریکا راگەھاند: “بایدن، دێ ئانتۆنی بلنکەن د رێڤەبەریا خوە دا وەکو وەزیرێ کارێن دەرڤە دەستنیشان کەت”.

ل گۆری زانیاریێن مەدیایا ئەمریکایێ دێ جۆ بایدن جاک سوڵڤان ژی کەتە شێورمەندێ ئەولەھیا نەتەویی یێ سەرۆکێ ئەمریکایێ.

دهێتە چاڤەرێکرن سەرۆکێ نوویێ ئەمریکایێ جۆ بایدن ل 20ێ چلەیا 2021ێ سۆندا یاسایی بخوەت و ئەرکا سەرۆکتیا ئەمریکایێ بگریتە سەر خوە.

ل گۆری راگەھاندنا مەدیایا ئامەریکی بایدن د رێڤەبەریا خوە دا، گەلەک کەسایەتیێن خوەدی ئەزموون بەربژێر کرینە کو بریارە رۆژا سێشەمبێ بەشەک ژ وان ژ بۆ رایا گشتی بهێنە ئاشکەرا کرن.

پێش نھا د دەما سەرۆکاتیا باراک ئۆباما دا ئانتۆنی بلنکەن ھندەک جاران دگەل رایەدارێن ھەرێما باشوورێ کوردستانێ جڤییایە، سالا رابووری ژی دەربارێ ئێریشا ترکیێ ل سەر رۆژئاڤا کوردستانێ رێڤەبەریا ئەمریکایێ رەخنە کر و راگەھاند: ترامپ ب پاشڤە ڤەکێشانا ھێزێن ئەمریکایێ ل سووریێ باوەرمەندییا گەلێ ناڤچەیێ ب ئەمریکایێ شکاند، کورد ژی کو ھەڤپەیمانێن ئەمریکایێ نە د شەرێ دژی تەرۆریستێن داعشێ دا د رەوشەکا ئالۆز دا ب تەنێ هێلان.