ئێتلاعاتێ دوو چالاكڤانێن كورد ده‌سته‌سه‌ر كرن

رژێما ئیرانێ دوو چالاكڤانێن كورد ده‌سته‌سه‌ر كرن

هێزێن گرێدای سازییا ئیستخباراتا ئیرانێ،  دوو چالاكڤانێن كورد یێن رۆژهلاتا كوردستانێ ده‌سته‌سه‌ر كرن و ژ بۆ جهه‌كێ نه‌دیار ڤه‌گوهاستنه‌.

رێخستنا هه‌نگاوی یا مافێن مرۆڤان به‌لاڤ كرییه‌، ل ده‌ما 24 ده‌مژمێرێن رابووری هێزێن سازییا ئیستخباراتا ئیرانێ ئیتیلاعاتێ، هه‌ر یێك ژ «داریۆش مورادی» چالاكڤانێ مه‌ده‌نی و كولتووری، هه‌روه‌ها «ئانیسا جه‌عفه‌ری مێهر» چالاكڤان و مامۆستایا زمانێ كوردی ل باژارێ شاباد یێ گرێدای كرمانشانێ ده‌سته‌سه‌ر كرنه‌.

ده‌ست نیشان كر، هێزێن ئێتیلاعاتێ ب سه‌ر مالێن وان چالاكڤانان ده‌ گرتنه‌ و ئه‌و ده‌سته‌سه‌ر كرنه‌ و ژ بۆ جهه‌كێ نه‌دیار ڤه‌گوهاستنه‌.

رێخستنا هه‌نگاوێ ئه‌شكه‌ره‌ كر، پێتری 20 چه‌كداران ب سه‌ر مالێن وان ده‌ گرتنه‌ و ژ بلی ده‌سته‌سه‌ر كرنا وان، مالێن وان ژی پشكنینه‌ و ده‌ست ب سه‌ر كه‌لوپه‌لێن تایبه‌ت ده‌ گرتنه‌.

ل گۆر ئاگاهیێن رێخستنا هه‌نگاوێ، چه‌كدارێن سپایێ نه‌بی ئه‌كره‌مێ كرمانشانێ یێ گرێدای ئیتیلاعاتێ ئانیشا و داریۆش ده‌سته‌سه‌ر كرنه‌ و هه‌یا نها چاره‌نڤیسا وان نه‌دیاره‌.