هێزێن سووریایا ده‌مۆكراتیك د شه‌ره‌كی ده كو ل سینۆرێ عه‌ین عیسایێ ل رۆژئاڤا كوردستانێ چێبوویه، 11 چه‌كدارێن گرێدای ئارته‌شا تركیێ كوشتن.
نه‌رینگه‌ها سووری یا مافێن مرۆڤان ئه‌شكه‌ره كر، ل یه‌ك ژ گوندێن سینۆرێ باژارێ عه‌ین عیسایێ كو ل ژێر ده‌ستهلاتا هه‌سه‌دێ یه، كۆمێن چه‌كدارێن گرێدای تركیێ ل شه‌ڤا ده‌رباسبووی هه‌ول دان بكه‌ڤن د وی گوندی ده، د ئه‌نجامێ ده شه‌ره‌كێ گران ل ور چێبوو.
ده‌ست نیشان كر، كۆمێن چه‌كداران كه‌تن بیسه‌یه‌كا هه‌سه‌دێ، 11 ژێ هاتنه كوشتن و هه‌ژماره‌كه دن بریندار كه‌تن، كوشتی و بریندار د ناڤا هه‌سه‌دێ ژی ده هه‌نه، لێ به‌لێ هه‌ژمارا وان نه‌هاتییه زانین.
پاش كو شه‌ر دژوار بووی، تۆپهاڤێژێن ئارته‌شا تركیێ دۆربه‌را گوند ژ ئالیێ باژارێ عه‌ین عیسایێ ڤه تۆپباران كر و هه‌یا سه‌رێ سبێ یا ئیرۆ شه‌ری ده‌وام كرییه.
